Найстарэйшая творчая арганізацыя Беларусі |гады заснавання – 1933-1934|

Асабiстыя старонкi сяброу СБП

Зіноўеў Аляксандр Уладзіміравіч

Зіноўеў Аляксандр Уладзіміравіч

Зіноўеў Аляксандр Уладзіміравіч

Нарадзіўся 5.01.1937 ў Сібіры, на капальні Іёніха, Тагульскаго раёна, Алтайскага краю.

Біяграфія

Скончыўшы з медалём сярэднюю школу, стаў студэнтам Маскоўскага Энергетычнага інстытута, па заканчэнні вучобы ў 1961 годзе быў накіраваны ў Свярдлоўск асістэнтам кафедры “Цеплавыя электрычныя станцыі” Уральскага політэхнічнага інстытута ім. Кірава.

           Вучачыся ў інстытуце і затым, працуючы ў УПІ, праводзіў лета ў працоўных паездках: працаваў важатым у піянерлагеры, вартаўніком на вінаграднай калекцыйнай плантацыі пад Адэсай, рабочым лесасплаву на Ангары і Енісеі, на перагоне мангольскай імпартнай жывёлы праз Алтай і казахскія стэпы, збіраў кенаф пад Ташкентам.

            Вырашыўшы, што выкладанне ў ВНУ можна сумясціць з навуковай працай, пакінуў УПІ, пераехаў у Мінск і паступіў у Інстытут цепла-і масаабмену інжынерам, у студзені 1965 года быў прыняты ў вочную аспірантуру ІЦМА, а з арганізацыяй Інстытута ядзернай энергетыкі АН БССР стаў аспірантам гэтага інстытута. Аспірантуру скончыў паспяхова і быў пакінуты на працу ў ІЯЭ. За час вучобы ў аспірантуры і працы ў ІЯЭ не толькі апублікаваў шэраг навуковых артыкулаў, але актыўна займаўся журналістыкай, у газетах і часопісах з'явіліся яго нарысы і апавяданні.

           У 1970 годзе Аляксандр Зіноўеў перайшоў на працу ў рэдакцыю газеты “Знамя юности” літсупрацоўнікам, праз два гады зрабіўся аўтарам / на дамове /, затым старэйшым рэдактарам Беларускага тэлебачання. Друкаваўся ў часопісах: “Нёман”, “Молодая гвардия”, “Беларусь”, “Промышленность Белоруссии”, “Декоративное искусство СССР”, у газетах рэспубліканскіх і “Известия”, “Водный транспорт”, у зборніках выдавецтва “Юнацтва”.

             Член Саюза журналістаў СССР з 1976 года.

              Пасля цяжкай хваробы знаходзіўся на групе інваліднасці. Лячэбным галаданнем, дыетай, рэжымам, фізічнымі практыкаваннямі і бегам аднавіў здароўе, вярнуўся ў рэдакцыю газеты “Знамя юности”. Некалькі гадоў, з'яўляючыся старэйшым метадыстам Рэспубліканскага міжсоюзного Палаца культуры Белсаўпрофа, паспяхова працаваў з беларускімі майстрамі і самадзейнымі мастакамі, ладзіў семінары і выставы ў Мінску, Маскве, Ерэване, Ялце.

           Шмат гадоў працаваў у выдавецтвах “Полифакт”, “Старый Свет – принт”, «Белфакта”.

            У траўні 2008 года ў выдавецтве Беларускага Экзархата выдадзеная кніга “Плышевские – православные священно- и церковнослужители Беларуси ХVIII – ХХ  в.в.”, над якой працаваў больш за шэсць гадоў у некалькіх архівах Мінска і Расійскім Дзяржаўным Гістарычным архіве ў Санкт-Пецярбургу.

             У верасні 2010 года ў выдавецтве “Беларуская навука” выйшла кніга “Объяснить и предсказать”.

            Член Саюза беларускіх пісьменнікаў з 2009 года.

             У 2011 годзе выдадзена кніга апавяданняў, казак, эсэ “Этюды о жизни”, у 2013 - ілюстраваная кніга нарысаў “Дело мастера” (выд. «Кавалер»).

             Жыве ў Мінску. 

Бібліяграфія

Асабiстыя старонкi сяброу СБП

(Паказаць увесь спіс)
Паўкштэла Сюзанна Алегаўна
Паўкштэла Сюзанна Алегаўна

Перакладчыца. Нарадзілася 13 лютага 1987 г. у г. Мар’іна Горка. З 1993 па 2001 г. вучылася ў СШ №110 г. Мінска, у 2004 г. скончыла Нацыянальны гуманітарны ліцэй імя Я. Коласа.

Чытаць далей...
Новікава Марыя Сяргееўна
Новікава Марыя Сяргееўна

Нарадзілася 15 ліпеня 1979 г. у г.п. Падсвілле Глыбоцкага раёна Віцебскай вобласці.

Чытаць далей...
Конан Міхаіл Сяменавіч
Конан Міхаіл Сяменавіч

Нарадзіўся 27 жніўня 1941 года ў в. Крыпулі Докшыцкага р-на Віцебскай вобласці.

Чытаць далей...
Кулікоў Ігар Мікалаевіч
Кулікоў Ігар Мікалаевіч

Нарадзіўся 22 студзеня 1988 года ў Мінску.

Чытаць далей...