Кашэвіч Анатоль Станіслававіч

Анатоль Станіслававіч Кашэвіч нарадзіўся 28 чэрвеня 1937 года ў вёсцы Крушнікі Петрыкаўскага (сёння — Мазырскага) раёна.

Скончыў Асавецкую СШ, мінскі педінстытут. Служыў на Чарнаморскім флоце. Больш за сорак гадоў працаваў настаўнікам, з іх каля трыццаці — дырэктарам школы. Выдатнік Асветы СССР і БССР. Мае медаль “За выратаванне тапельцаў”.

Калі працаваў настаўнікам у палескіх вёсках Слабада і Данілевічы, пачаў займацца літаратурнай творчасцю. Друкаваў апавяданні і нарысы ў “Настаўніцкай газеце” і іншых СМІ. Аўтар дакументальных аповесцяў “На куранях”, “Уратуйце нашы душы”, “Залатое вяселле”, “Дзед Міколік”.