Найстарэйшая творчая арганізацыя Беларусі |гады заснавання – 1933-1934|

Асабiстыя старонкi сяброу СБП

Паўлікава-Хейдарава Людміла Фёдараўна

Паўлікава-Хейдарава Людміла Фёдараўна

Паўлікава-Хейдарава Людміла Фёдараўна

Людмiла Фёдараўна Хейдарава нар. 11 лютага 1952 г. у пас. Ялiзава Асiповiцкага р-на Магiлёўскай вобл.; Псеўданімы: Людмiла Паўлiкава, Людмiла Паўлiкава-Хейдарава.

Біяграфія

Нарадзілася ў сям’і рабочага і настаўніцы. Скончыла факультэт прыкладной матэматыкi БДУ (1974). З 1974 г. працавала ў НДI электронна-вылiчальных машын у Мiнску, з 1980 г. — вядучы канструктар у Беларускім навукова-даследчым i праектна-тэхналагічным iнстытуце арганiзацыi i кiравання будаўнiцтвам Дзяржбуда БССР, з 1985 г. — вядучы інжынер Мiнскага навукова-даследчага прыборабудаўнiчага iнстытута. У 1987—1997 г. на Беларускім тэлебачаннi, з 1987 г. — старшы рэдактар, з 1990 г. — намеснік галоўнага рэдактара літаратурна-драматычнай рэдакцыі Беларускага тэлебачання. Сябра СП СССР з 1985 г.

Дэбютавала вершамі ў 1980 г. (часопіс «Маладосць»), за першую нізку вершаў атрымала прэмію года часопіса “Маладосць”, Аўтар зборнікаў паэзіі «Адведзіны рамонкавай паляны» (1985), «Тваё святло» (1988), драматычнай паэмы «Можна і Нельга» (1987) і філасофска-драматычнай паэмы-казкi «Можна i Нельга» (1988) зборнік паэзіі «Купанне ў росах» (1993)— усе выйшлі пад псеўданімам Людміла Паўлікава.

З 1989 г. выступае пад уласным прозвішчам Хейдарава і псеўданімам Людміла Паўлікава-Хейдарава — «Плач па анёлу» (2004), кніга апавяданняў «Дарт» (2002), фiласофская кніга «Вечаровае веча» (фрагменты ў час. «Маладосць», 2009 г.). З 1980 г. вершы, апавяданні, навелы друкаваліся ў зборніках «Дзень паэзіі», часопісах «Полымя», «Вожык», «Работніца і сялянка», “Маладосць”, “Беларусь”, “Крыніца”, рэспубліканскіх газетах. Пасля ўдзелу ў 8-м Усесаюзным з’ездзе маладых літаратараў СССР вершы Людмілы Хейдаравай ў перакладах на расейскую мову можна знайсці ў друкаваных выданнях “Літаратурная газета”, зборніку “Маладая гвардыя”. У паэтычных творах выяўляюцца фiласофскi роздум, гiсторыка-патрыятычная i любоўная лiрыка, тэмы прыроды i вытокаў чалавечага духу. У празаічных творах аўтарскай пазiцыi ўласцiва дабрадушная iронiя. Пераклала з рускай на беларускую асобныя творы Г. Ахматавай, М. Валошына, М. Лермантава, Б. Пастэрнака, М. Цвятаевай, В. Мандэльштама, з украінскай творы сучасных паэтаў.

Лаўрэат Лiтаратурнай прэмii iмя Алеся Адамовiча (1996) за прынцыповасць i майстэрства ў асвятленнi сучасных праблем Беларусi.

Літаратура: Родам з Асіповіччыны // Памяць. Асіповіцкі раён. — Мн., 2002. — С.630; Хейдарава Людміла // Беларускія пісьменнікі (1917—1990): Даведнік; Склад. А.К. Гардзіцкі. Нав.рэд. А.Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X; Хейдарава Людміла — нар. у п. Ялізава // Анталогія беларускай паэзіі. — Мн., 1993. — С.537-539. Катэгорыі: Асобы | Нарадзіліся 11 лютага | Нарадзіліся ў 1952 годзе | Постаці беларускай літаратуры

Асабiстыя старонкi сяброу СБП

(Паказаць увесь спіс)
Крэбс Ігар Барысавіч
Крэбс Ігар Барысавіч

Перакладчык. Сябар Саюза беларускіх пісьменнікаў (2017).

Чытаць далей...
Пейган Мікалай Аляксандравіч
Пейган Мікалай Аляксандравіч

Краязнавец, публіцыст, гісторык, педагог. Сябар Саюза беларускіх пісьменнікаў з 2017 года.

Чытаць далей...
Сцяцко Павел Уладзіміравіч
Сцяцко Павел Уладзіміравіч

Мовазнавец, прафесар філалогіі. Сябар Саюза беларускіх пісьменнікаў з 2017 года.

Чытаць далей...
Лаўрэш Леанід Лявонцьевіч
Лаўрэш Леанід Лявонцьевіч

Беларускі краязнавец, незалежны даследчык і перакладчык з польскай мовы.

Чытаць далей...