Найстарэйшая творчая арганізацыя Беларусі |гады заснавання – 1933-1934|

Асабiстыя старонкi сяброу СБП

Чарнякевіч Ціхан Валер'евіч

Чарнякевіч Ціхан Валер'евіч

Чарнякевіч Ціхан Валер'евіч

Літаратуразнаўца, крытык, перакладчык, архівіст, эсэіст.

Біяграфія

Ціхан Чарнякевіч нарадзіўся 22.01.1986 у Пінску. Вучыўся ў пінскай СШ №15, на факультэце беларускай філалогіі і культуры БДПУ імя М. Танка па спецыяльнасці “Беларуская мова і літаратура. Журналістыка”, скончыў магістратуру і аспірантуру пры кафедры беларускай літаратуры БДПУ. Фіналіст літаратурнага конкурсу імя У. Караткевіча Беларускага ПЭН-цэнтра (2005).

З 2007 года выступае як крытык і літаратуразнаўца.

Працаваў пасля ўніверсітэта ў аддзеле крытыкі “ЛіМа” на запрашэнне Леаніда Галубовіча (2008-2011). Пасля яго сыходу на пенсію нейкі час загадваў аддзелам крытыкі “ЛіМа”. У 2011-2015 працаваў у часопісе “Маладосць” у аддзеле крытыкі. На пачатку 2015 г. працаваў у Беларускім ПЭН-Цэнтры, з верасня 2015-га – у прэс-службе Саюза беларускіх пісьменнікаў.

З 2007 года рэгулярна друкуе крытычныя артыкулы пра сучасную беларускую літаратуру ў “Ліме” і “Маладосці”, “Дзеяслове”, “Літаратурнай Беларусі”, на сайтах Букстэр, Радыё Свабода, Будзьма. 

Пераклаў з украінскай “Лагерны сшытак” Васіля Стуса (“Дзеяслоў”), з польскай – некалькі дзясяткаў вершаў Тадэвуша Ружэвіча (“ЛіМ”).

Аўтар электроннага бібліяграфічнага даведніка «Пераклады твораў замежнай літаратуры ў часопісе „Крыніца“ (1988—2003)» (Мінск, 2010), укладальнік і каментатар кніг «Максім Багдановіч: вядомы і невядомы» (Мінск, 2011) (за якую атрымаў Грамату Міністра культуры, вернутую пазней яму ў знак пратэсту супраць паніжэння статусу Літаратурнага музея Максіма Багдановіча) і «Лявон Савёнак „Творы“» (Мінск, 2012, разам з Лявонам Юрэвічам).

Каментаваў і рэдагаваў выбраныя творы Юркі Віцьбіча “Лшоно Габоо Бійрушалайм” (2011), у супрацы каментаваў і пісаў пасляслоўе да перавыдання “Эпізодаў” Яўхіма Кіпеля (2013), разам з Наталляй Гадзіенкай складаў і рэдагаваў “літаратурны” №35 альманаха “Запісы БІНІМ”.

Сябар Саюза беларускіх пісьменнікаў з 2016 года.




Асабiстыя старонкi сяброу СБП

(Паказаць увесь спіс)
Паўкштэла Сюзанна Алегаўна
Паўкштэла Сюзанна Алегаўна

Перакладчыца. Нарадзілася 13 лютага 1987 г. у г. Мар’іна Горка. З 1993 па 2001 г. вучылася ў СШ №110 г. Мінска, у 2004 г. скончыла Нацыянальны гуманітарны ліцэй імя Я. Коласа.

Чытаць далей...
Новікава Марыя Сяргееўна
Новікава Марыя Сяргееўна

Нарадзілася 15 ліпеня 1979 г. у г.п. Падсвілле Глыбоцкага раёна Віцебскай вобласці.

Чытаць далей...
Конан Міхаіл Сяменавіч
Конан Міхаіл Сяменавіч

Нарадзіўся 27 жніўня 1941 года ў в. Крыпулі Докшыцкага р-на Віцебскай вобласці.

Чытаць далей...
Кулікоў Ігар Мікалаевіч
Кулікоў Ігар Мікалаевіч

Нарадзіўся 22 студзеня 1988 года ў Мінску.

Чытаць далей...