Найстарэйшая творчая арганізацыя Беларусі |гады заснавання – 1933-1934|

БІБЛІЯТЭКА 23 траўня 2017

Евгений Бесчастный. Стой!

Евгений Бесчастный. Стой!

Першы вершаваны зборнік берасцейскага рускамоўнага паэта Яўгена Бясчаснага выйшаў у серыі "Пункт адліку" Бібліятэкі Саюза беларускіх пісьменнікаў.

У кнізе Яўгена -- вершы, сабраныя за шэсць гадоў творчасці. Паэт прызнаўся, што "вершаў нападала як снегу, і сярод іх трэба было расчысціць дарожку". Займацца "снегаўборачнымі работамі" ён папрасіў Андрэя Хадановіча, які з задавальненнем прыйшоў на дапамогу маладому калегу і пагадзіўся быць рэдактарам кнігі “Стой!”.

-- Мы зрабіліся багацейшымі на важную, заўважную, істотную кніжку, якую варта чытаць і перачытваць, -- адзначыў Андрэй Хадановіч на прэзентацыі кнігі. --  Я віншую ўсіх з яе выхадам, і Яўгена ў апошнюю чаргу – бо ён гэтыя вершы ведае, іншым жа чытачам толькі сёння давядзецца адкрыць для сябе гэты скарб. Што датычыцца кнігі – у ёй паэт ужывае не толькі словы і сказы – цэлыя тэкставыя масівы культуры, якой ён жыве і дыхае. Акрамя беларускага светаадчування тут, напрыклад, немагчыма не пабачыць Бродскага. Яго ўплыў настолькі відавочны, што аўтар даводзіць да віртуознасці ўсе гэтыя алюзіі, рэмінісцэнцыі. Але чым сталей станавіўся Яўген, тым больш ён ужываў у творах цытаты беларускіх аўтараў – вы гэта заўважыце, калі будзеце чытаць кнігу.

Аўтар насамрэч надае шмат увагі свету рэчаў і звычайных з'яў, персаніфікуе прадметы, шукае ў іх прыгажосць. Ён кажа чытачу "стой!" і заклікае прыгледзецца да шыльдаў і далёкіх ад паэзіі надпісаў на сценах пад'езда. Прапануе паслухаць, пра што спявае скрыпка колеру гарбаты і прыйсці метадам дэдукцыі да вывадаў пра лёс бутэлькі з-пад вермута, якая валяецца пад лаўкай. Чытаючы кнігу, часам не заўважаеш мяжу, за якой малое пераўтвараецца ў вялікае і назад -- аўтар нядрэнна валодае навыкам плесці з агульнага і прыватнага бясконцую рэкурсію.

Прэс-служба ГА "Саюз беларускіх пісьменнікаў"

Пункт адліку, кнігі, паэзія

Каментары

Афiша

19 снежня
Прэзентацыя кнігі “Мазаіка жыцця” Аляксандра Тамковіча
Аляксандр Тамковіч і Міжнародны Прэс-клуб запрашаюць.
20 снежня
«Вершы ў Шафе»: Андрэй Хадановіч
У прасторы “Кніжная шафа”, пр. Дзяржынскага, 9 (уваход са двара).
21 снежня
Пасмакуем «Калядную кашу»!
У кавярні «Грай» (вул. Інтэрнацыянальная, 33).
22 снежня
«Губернскі дэтэктыў» — новы раман Ксеніі Шталенковай
У Літаратурным музеі Максіма Багдановіча (Мінск, вул. Багдановіча 7А).
Наш канал на YouTube

Апошнія навiны

(Паказаць усе навіны)
«Першазмест усіх вершаў — невядомая велічыня». У Мінску адсвяткавалі 70-годдзе Алеся Разанава
17 снежня 2017

«Першазмест усіх вершаў — невядомая велічыня». У Мінску адсвяткавалі 70-годдзе Алеся Разанава

Чытаць далей...
Моц слова Францішка Скарыны
15 снежня 2017

Моц слова Францішка Скарыны

Чытаць далей...
Губернскі дэтэктыў у музеі Багдановіча — 22 снежня
15 снежня 2017

Губернскі дэтэктыў у музеі Багдановіча — 22 снежня

Чытаць далей...
Да 200-годдзя Таварыства філаматаў (ФОТА, ВІДЭА)
15 снежня 2017

Да 200-годдзя Таварыства філаматаў (ФОТА, ВІДЭА)

Чытаць далей...
650