Найстарэйшая творчая арганізацыя Беларусі |гады заснавання – 1933-1934|

БІБЛІЯТЭКА 30 студзеня 2018

Рыгор Барадулін. Вясёлы вулей: Азбука

Рыгор Барадулін. Вясёлы вулей: Азбука

Серыя «Каляровы ровар» Саюза беларускіх пісьменнікаў і выдавецтва «Кнігазбор» парадавалі маленькіх чытачоў і чытачак шыкоўна аформленай кнігай. Неўміручая класіка -- азбука «Вясёлы вулей» Рыгора Барадуліна -- зайграла новымі фарбамі дзякуючы мастаку Лізавеце Лянкевіч. Вачэй не адвесці ад старонак, з рук выпускаць гэтую вясёлкавую кнігу не хочацца! Пераканайцеся самі.

74 старонкі чыстай радасці для дзіцяці, якое ўпершыню раскрывае для сябе свет беларускіх літар. Ідэальна зручны фармат для сямейнага чытання. Барадулінскае паэтычнае майстэрства прадстаўлення не патрабуе.

  

Вулей ёсць такі вясёлы,

Пчолы

З гэтага вулля

Прывядуць цябе да школы.

 

Зразумееш, немаўля,

Толькі вулей загудзе,

Што, чаго, адкуль і дзе,

Як знайсці каго і дзе,

Хто ляціць, а хто ідзе.

 

Літары

Ад А да Я — 

Пчолак дружная сям'я

Носіць мёд у соты ведаў,

Просіць, каб усё ты ведаў.

Паступова, пакрысе

Іх запомніць трэба ўсе!

 

Гукі мовы роднай, наскай

Перапоўняць сэрца ласкай,

Дык шануй святыя словы

Беларускай звонкай мовы!

 

Радуе нябёсы й долы

Вулей азбукі вясёлы.

Шукайце "Вясёлы вулей" у кнігарнях Беларусі!

Прэс-служба ГА "Саюз беларускіх пісьменнікаў"

Каляровы ровардзіцячая літаратуракнігіпаэзіяРыгор Барадулін

Каментары

Апошнія навiны

(Паказаць усе навіны)
Хэдлайнеры кульмінуюць: міжнародныя чытанні Стральцоўскага фэсту (+фота)
19 лютага 2018

Хэдлайнеры кульмінуюць: міжнародныя чытанні Стральцоўскага фэсту (+фота)

Чытаць далей...
«Пішуць, бо не маюць парабелума»: паэты-лаўрэаты сабраліся на фэсце Стральцова
18 лютага 2018

«Пішуць, бо не маюць парабелума»: паэты-лаўрэаты сабраліся на фэсце Стральцова

Чытаць далей...
Дзве прэміі на сёмым Стральцоўскім фэсце (+ФОТА)
17 лютага 2018

Дзве прэміі на сёмым Стральцоўскім фэсце (+ФОТА)

Чытаць далей...
«Галоўная задача жанчыны – прыносіць у свет шчасце і радасць»
16 лютага 2018

«Галоўная задача жанчыны – прыносіць у свет шчасце і радасць»

Чытаць далей...
147