Найстарэйшая творчая арганізацыя Беларусі |гады заснавання – 1933-1934|

22 снежня 2017

Абмяркуем літаратурныя вынікі года! — 27 снежня

Напрыканцы года выбітныя выданні свету ладзяць апытанні і агляды культурных падзей – ці то ў выглядзе рэйтынгаў, ці то дайджэстаў. Прапануем далучыцца да вуснага варыянту падобных жанраў. Заадно пабачыце на свае вочы і тых, хто часта застаецца па-за кадрам: у заснежаным Мінску ладзім дыялог літаратурных крытыкаў новай генерацыі.


Ледзь не штогод у літаратурным паветры павісае рытарычнае пытанне пра наяўнасць ці адсутнасць сучаснай літаратурнай крытыкі. З аднаго боку, трывалай і штодзённай магчымасці чытаць новыя літаратурныя агляды на беларускай мове пакуль не існуе, што складае ўражанне “смерці пацыента”. 

У той жа час за апошнія 10 гадоў сфармавалася кола аўтараў, якое пастаянна друкуе літаратурныя рэцэнзіі, але не ўспрымаецца як афіцыйнае прадстаўніцтва сучаснай літаратурнай крытыкі Беларусі. Самая літаратура ў той самы час таксама застаецца недапраяўленай. Яе наяўнасць засведчваюць згадкі ў СМІ, а не аналітычны складнік. 

Нябачнасць літаратурнай крытыкі і недапраяўленасць літаратуры, такім чынам, апынаюцца надзвычай узаемазвязанымі фактарамі.

Хто вінаваты і што з гэтым усім рабіць, прапануем разабрацца на дыскусіі грамадскага аб’яднання “Саюз беларускіх пісьменнікаў”, прысвечанай літаратурным вынікам 2017 года і літаратурнай крытыцы новай генерацыі.

Абмяркоўваем:


- Беларуская літаратура ў 2017-м: правал, узлёт ці стагнацыя?
- Сучасныя функцыі крытыкі: даследаваць твор, зацікавіць выдаўца, пакупніка ці сфармаваць уласную рэпутацыю?
- “Пад сцягам Гедройця”: ці варта меркаваць пра літаратуру праз шкельцы ўзнагарод.
- З’яўленне новых практык чытання і іх уплыў на крытыку
- Літаратурныя рэпутацыі: як сказаць, што думаеш, і застацца жывым?

Удзельнічаюць:

Марына Весялуха

Наста Грышчук

Жана Капуста

Алена Карп

Мадэратар – Ціхан Чарнякевіч.

27 снежня а 18:00 ў Літаратурным музеі Максіма Багдановіча.

Уваход вольны.

Прэс-служба ГА "Саюз беларускіх пісьменнікаў"

крытыка, навіны СБП, музеі

Каментары

Апошнія навiны

(Паказаць усе навіны)
«Кніганоша» № 47 — снежань 2017 (спампаваць пдф)
19 студзеня 2018

«Кніганоша» № 47 — снежань 2017 (спампаваць пдф)

Чытаць далей...
У Калініградзе з’явіцца вуліца Францыска Скарыны
17 студзеня 2018

У Калініградзе з’явіцца вуліца Францыска Скарыны

Чытаць далей...
Віншуем Ірыну Жарнасек!
17 студзеня 2018

Віншуем Ірыну Жарнасек!

Чытаць далей...
«Літаратурная Беларусь» № 136 — снежань 2017 (спампаваць пдф)
17 студзеня 2018

«Літаратурная Беларусь» № 136 — снежань 2017 (спампаваць пдф)

Чытаць далей...
282