Найстарэйшая творчая арганізацыя Беларусі |гады заснавання – 1933-1934|

13 чэрвеня 2017

Алексіевіч прафінансавала выданне біяграфіі Уладзіміра Дубоўкі

Лаўрэатка Нобелеўскай прэміі па літаратуры Святлана Алексіевіч прафінансавала выданне дакументальнай біяграфіі пісьменніка Уладзіміра Дубоўкі, што выйшла ў серыі «Беларуская мемуарная бібліятэка» выдавецтва «Лімарыус».

Пра гэта паведаміла ў сваім фэйсбуку ўкладальніца кнігі Ганна Севярынец.

«Хацела б выказаць шчырую падзяку фундатарцы выдання — лаўрэату Нобелеўскай прэміі па літаратуры Святлане Алексіевіч», — напісала яна.

Ганна Севярынец у красавіку распавяла «Нашай Ніве» пра мецэната, які паспрыяў выданню кнігі, паабяцаўшы раскрыць імя пазней.

«Наконт краўдфандынгу: асабіста я лічу, што такія выданні — шыкоўная магчымасць для людзей бізнэсу зрабіць унёсак у справу беларускай культуры. Прыкладам, выданне дакументальнай біяграфіі Дубоўкі прафінансавана адным з найлепшых беларускіх мецэнатаў — пакуль не выдам сакрэту кім, усё паведамім на прэзентацыях. Калі нехта з бізнэсоўцаў пажадае ўнесці сваё імя ў гісторыю беларускай літаратуры і паўдзельнічаць у выданні твораў Алеся Дудара — пішыце. Гэта будзе файны і не вельмі цяжкі фінансава праект», — сказала тады Ганна Севярынец. 

У панядзелак таксама ў Мінску прайшло выданне іншай кнігі Уладзіміра Дубоўкі: «Выбраныя творы». Грошы на гэтую кнігу збіралі праз Талаку.

Алексіевіч «адгукнулася маментальна, ў той самы дзень, як атрымала мой [электронны] ліст», — напісала нам Ганна Севярынец.

«Яна спыталася, фінансаваць Дубоўку ці выданне яго біяграфіі, — дадае Аляксандр Фядута. — Я сказаў: «творы Дубоўкі набудуць чытачы, а кнігу маладога аўтара трэба падтрымаць». І Святлана Аляксандраўна зрабіла менавіта так. Па яе словах, Дубоўка давёў, што беларусы — не «паны сахі і касы», а мадэрная нацыя, нацыя гарадскіх інтэлігентаў, творцаў», — адзначае ён.

"Наша Ніва"

 

Святлана Алексіевіч, кнігі, дабрачыннасць, рэпрэсіі, памяць, Уладзімір Дубоўка

Каментары

Апошнія навiны

(Паказаць усе навіны)
Расстраляныя літаратары. Платон Галавач, які перад расстрэлам напісаў: «Гісторыя яшчэ скажа праўду пра нас»
20 кастрычніка 2017

Расстраляныя літаратары. Платон Галавач, які перад расстрэлам напісаў: «Гісторыя яшчэ скажа праўду пра нас»

Чытаць далей...
Віншуем Юрку Голуба і Васіля Андрыеўскага з юбілеем!
20 кастрычніка 2017

Віншуем Юрку Голуба і Васіля Андрыеўскага з юбілеем!

Чытаць далей...
«Дзеяслову» – 15! Святкуй разам з намі!
19 кастрычніка 2017

«Дзеяслову» – 15! Святкуй разам з намі!

Чытаць далей...
Пайшоў з жыцця пісьменнік Іван Івашка
19 кастрычніка 2017

Пайшоў з жыцця пісьменнік Іван Івашка

Чытаць далей...
360