Найстарэйшая творчая арганізацыя Беларусі |гады заснавання – 1933-1934|

12 снежня 2017

Дарогамі роднай зямлі – памяці Уладзіміра Рагуцкага

Да 100-годдзя з дня нараджэння паэта Уладзіміра Рагуцкага 9 снежня ў Брылёўскай сельскай бібліятэцы Магілёўскага раёна адбылася літаратурная вечарына.

Пра жыццёвы шлях паэта распавёў пісьменнік, старшыня Магілёўскага абласнога аддзялення Саюза беларускіх пісьменнікаў Мікалай Яцкоў.

Выступае Мікола Яцкоў

Ён адзначыў, што вёска Цёплае Чавускага раёна, дзе 9 снежня 1917 года нарадзіўся У. Рагуцкі, знаходзіцца зусім недалёка ад вёскі Брылі, а гэта значыць, што мы можам лічыць паэта нашым земляком. Тым больш, што і далей шляхі Уладзіміра Лаўрэнавіча былі шчыльна ўплецены ў гісторыю Магілёўскага раёна, бо вучыўся будучы паэт у школе вёскі Старое Пашкава, дзе ягоным школьным настаўнікам быў вядомы беларускі паэт Янка Журба, там пісаў свае першыя вершы, а пасля заканчэння Мінскага педагагічнага інстытута ў 1939 годзе пачаў свой працоўны шлях у рэдакцыі магілёўскай раённай газеты "Камунар Магілёўшчыны" (цяперашняя "Прыдняпроўская ніва"). Адсюль у 1941 годзе Уладзімір Рагуцкі быў прызваны ў Чырвоную Армію, адправіўся на фронт і загінуў у адным з баёў.  

Паэт пакінуў пасля сябе не вельмі вялікую паэтычную спадчыну, але ягоныя вершы вызначаюцца глыбокай лірычнасцю і яскравай дасканаласцю вобразаў і пачуццяў. У гэтым удзельнікі вечарыны змаглі пераканацца, калі пачулі творы юбіляра ў выкананні ўдзельнікаў мастацкай самадзейнасці Брылёўскага СДК Аляксандры Івановай, Варвары Какоўка, Паўла Дайнекі і Яўгенія Бірукова.

Бібліятэкар Брылёўскай бібліятэкі Юлія Яцкова падрыхтавала відэапрэзентацыю і кніжную выставу "Дарогамі роднай зямлі" аб жыцці і творчасці Уладзіміра Рагуцкага.

Ул. інф. Магілёўскага абласнога аддзялення СБП 

рэгіёны, памяць, паэзія, імпрэзы, Мікола Яцкоў, Магілёў

Каментары

Афiша

18 красавіка
Наіўна. Супер: Размова з нарвежскім пісьменнікам Эрлендам Лу
У Мінску ў межах кінафестывалю «Паўночнае ззянне» у івэнт-прасторы Space (вул. Кастрычніцкая, 16А).
19 красавіка
Творчая сустрэча з Паўлам Севярынцам у Гародні
Прэзентацыя кнігі "Беларусалім" па адрасе: Гародня, вул. Будзённага, 48А.
03 траўня
Уручэнне прэміі Цёткі
У мінскім культурніцкім цэнтры «Корпус» (пр. Машэрава, 9).
Наш канал на YouTube

Апошнія навiны

(Паказаць усе навіны)
Новы «Дзеяслоў»: вершы Насты Кудасавай, пераклады з нарвежскай і японскай, дыялогі Святланы Алексіевіч з Веніямінам Блажэнным
18 красавіка 2018

Новы «Дзеяслоў»: вершы Насты Кудасавай, пераклады з нарвежскай і японскай, дыялогі Святланы Алексіевіч з Веніямінам Блажэнным

Чытаць далей...
Літаратары галасуюць за «Кнігу году 2017»
18 красавіка 2018

Літаратары галасуюць за «Кнігу году 2017»

Чытаць далей...
У Зэльве павінен быць музей Ларысы Геніюш: размова з Валянцінам Дубатоўкам
13 красавіка 2018

У Зэльве павінен быць музей Ларысы Геніюш: размова з Валянцінам Дубатоўкам

Чытаць далей...
Леаніда Маракова ўспомнілі ў Мінску (фота)
13 красавіка 2018

Леаніда Маракова ўспомнілі ў Мінску (фота)

Чытаць далей...
317