Найстарэйшая творчая арганізацыя Беларусі |гады заснавання – 1933-1934|

19 красавіка 2017

Марафон салідарнасці: «Разбуры турмы муры…»

У кнігарні «логвінаЎ» прайшоў творчы марафон салідарнасці з фігурантамі «Справы патрыётаў» і іншымі рэпрэсаванымі падчас падзеяў сакавіка гэтага года. Да ініцыятывы далучыліся вядомыя музыкі, філосафы, літаратары.

_811

У цесным памяшканні кнігарні не прапхнуцца. Побач як вядомыя творцы, так і маладзёны “з вуліцы”, якім баліць за тое, што адбываецца навокал, альбо проста цікава ўбачыць і пачуць любімых творцаў.

Акцэнты ў пытанні “навошта і каму гэта трэба”, адразу расставіла Таццяна Вадалажская, каардынатарка “Лятучага ўніверсітэта”:

“Сярод абсурду і несправядлівасці нашых дзён, калі чалавечая годнасць выціскаецца з краіны, мы маем дапамагаць нашым сябрам і суграмадзянам. Галоўнае – гэта наша адчуванне свабоды і годнасці, падтрымліваць якую маюць і людзі слова – творцы, паэты, музыкі.”

_412

Адзін з першых выступоўцаў і вядоўца вечара паэт Андрэй Хадановіч прачытаў верш Чэслава Мілаша, напісаны 67 гадоў таму, і, узяўшы гітару, праспяваў “Муры” Качмарскага. Апошняя песня асацыюецца як з часамі польскай “Салідарнасці”, так і з падзеямі Плошчы-2010, калі сам паэт спяваў яе перад натоўпам пратэстоўцаў.

Літаратар і старшыня Саюза пісьменнікаў Барыс Пятровіч распавёў аб тым, што ведаў асабіста шмат каго з фігурантаў “Справы патрыётаў”, а таксама адзначыў, што на такіх людзях трымаецца Беларусь. Пісьменнік таксама прачытаў некалькі сваіх кароткіх твораў: “Жывога пабачыць” і “Няшчасце”, напісаныя яшчэ ў 1990-я гады.

_570

Літаратары цягам вечару часцяком звярталіся да твораў сваіх папярэднікаў: вершаў Якуба Коласа, напісаных у астрозе, прозы дысідэнта і палітыка Вацлава Гаўла, паэзіі Алеся Дудара. Філосаф Міхаіл Баярын, які нагадаў, што патрыёты зняволеныя за тое, што стваралі беларускую нацыю, зазірнуў яшчэ глыбей, прачытаўшы пераклад з санскрыту.

_341

Музыка Алесь Мікус прымусіў прысутных згадаць словы гімну “Белага легіёна”, выступіўшы яшчэ і ў якасці дудара. Маладзейшае пакаленне атрымала ў рукі раздрукоўкі са словамі і актыўна падпявала. Філосаф Уладзімір Мацкевіч, які выконваў гімн разам з Мікусам, адзначыў, што добра ведае зняволенага па “Справе патрыётаў” Міраслава Лазоўскага ўжо 20 гадоў, а таксама прачытаў адзін са сваіх тэкстаў, напісаных у 2000-я.

_701

У марафоне “Разам” узялі ўдзел таксама Лявон Вольскі, Андрусь Такінданг, Валянціна Аксак, Сяргей Харэўскі, Анатоль Івашчанка, Віктар Жыбуль, Валянцін Акудовіч і іншыя.

Алесь Кіркевіч. Фота Зарыны Кадрацьевай, budzma.by

рэпрэсіі, імпрэзы

Каментары

Апошнія навiны

(Паказаць усе навіны)
Памёр пісьменнік Васіль Якавенка
23 студзеня 2018

Памёр пісьменнік Васіль Якавенка

Чытаць далей...
Лятучы ўніверсітэт прымае заяўкі на навучанне — дэдлайн 5 лютага
22 студзеня 2018

Лятучы ўніверсітэт прымае заяўкі на навучанне — дэдлайн 5 лютага

Чытаць далей...
Віншуем студзеньскіх юбіляраў!
22 студзеня 2018

Віншуем студзеньскіх юбіляраў!

Чытаць далей...
«Кніганоша» № 47 — снежань 2017 (спампаваць пдф)
19 студзеня 2018

«Кніганоша» № 47 — снежань 2017 (спампаваць пдф)

Чытаць далей...
581