Найстарэйшая творчая арганізацыя Беларусі |гады заснавання – 1933-1934|

26 кастрычніка 2017

«Пад вольным небам» Віцебска

Адразу дзве прэзентацыі кнігі беларускіх перакладаў “Пад вольным небам” шведскага нобелеўскага лаўрэата Тумаса Транстромера адбыліся 26 кастрычніка ў Віцебску. Кніга перакладаў скандынаўскага паэта сталася вялікім сумесным праектам Саюза беларускіх пісьменнікаў і Амбасады Каралеўства Швецыя ў нашай краіне.

Над кнігай працавала цэлая каманда перакладчыкаў: Уладзімір Арлоў, Лявон Баршчэўскі, Алеся Башарымава, Андрэй Хадановіч. Да працы над праектам далучыліся ўдава майстра – Моніка Транстромер, памочнік пасла Алеся Літвіноўская, а таксама даўні сябар Беларусі, колішні амабасадар Шведскага каралеўства ў Беларусі Стэфан Эрыксан.

Б'ёрн Сула і Лявон Баршчэўскі

 

Упершыню кніга была прадстаўленая шырокай публіцы на Дні Швецыі, што праходзіў у Менску ў чэрвені 2017 г. Віцебск стаўся другім горадам краіны, куды выправілася каманда праекту з прэзэнтацыяй кнігі “Пад вольным небам”. Перад публікай выступілі дарадца амбасады Швецыі Б’ёрн Сула, памочнік амбасадара Алеся Літвіноўская, намеснік старшыні ГА “Саюз беларускіх пісьменнікаў” Усевалад Сьцебурака, перакладчык Лявон Баршчэўскі, а таксама музыка Андрэй Такінданг.

Выступае Андрусь Такінданг

Сустрэчы прайшлі ў Віцебскім дзяржаўным універсітэце імя П. Машэрава і Віцебскай абласной бібліятэцы. Гаспадары гасцінных пляцовак атрымалі падарункі для папаўнення кніжных фондаў – кнігі Транстромера па-беларуску, а публіка змагла больш дазнацца пра цікавую і багатую шведскую паэзію, ды адчуць смак роднай мовы на якой і далёкія скандынаўскія матывы гучаць як свае.

Сустрэча прайшла і ў Віцебскай абласной бібліятэцы

Прэс-служба ГА "Саюз беларускіх пісьменнікаў"

Тумас Транстромер, пераклады, прэзентацыі, рэгіёны, Віцебск, паэзія, партнёры, Швецыя

Каментары

Апошнія навiны

(Паказаць усе навіны)
«Кніганоша» № 47 — снежань 2017 (спампаваць пдф)
19 студзеня 2018

«Кніганоша» № 47 — снежань 2017 (спампаваць пдф)

Чытаць далей...
У Калініградзе з’явіцца вуліца Францыска Скарыны
17 студзеня 2018

У Калініградзе з’явіцца вуліца Францыска Скарыны

Чытаць далей...
Віншуем Ірыну Жарнасек!
17 студзеня 2018

Віншуем Ірыну Жарнасек!

Чытаць далей...
«Літаратурная Беларусь» № 136 — снежань 2017 (спампаваць пдф)
17 студзеня 2018

«Літаратурная Беларусь» № 136 — снежань 2017 (спампаваць пдф)

Чытаць далей...
301