Найстарэйшая творчая арганізацыя Беларусі |гады заснавання – 1933-1934|

13 чэрвеня 2017

Памёр аўтар «Дыктатара», шведскі пісьменнік Ульф Старк

Адзін з найвядомейшых еўрапейскіх дзіцячых пісьменнікаў Ульф Старк памёр на 73-м годзе жыцця. Пра гэта паведаміла ягоная жонка, перакладчыца Яніна Арлоў.

Ён рана пачаў пісаць, у сярэдняй школе яго пісьменніцтву паспрыяў аднакласнік Петэр Курман. У 1964 годзе выйшаў першы зборнік паэзіі пісьменніка, і з таго часу яго кар'ера плённа развівалася. Першыя творы для дзяцей былі надрукаваныя ў 1975 і 1976 гадах. У 1984 годзе ён вырашыў цалкам сябе прысвяціць дзіцячай літаратуры.

Лаўрэат прэстыжных міжнародных прэмій. У 2000 годзе Міжнароднае журы прэміі Х. К. Андэрсена адзначыла яго заслугі асаблівым дыпломам. Яго творы перакладзеныя на многія замежныя мовы. У 2012 годзе па-беларуску выйшла кніга Ульфа Старка "Дыктатар" з малюнкамі Лінды Бондэстам (пераклад Насты Лабады і Вольгі Рызмаковай, выдавецтва "Логвінаў").

У лютым 2012 года Ульф Старк прыязджаў у Беларусь, каб прэзентаваць сваю кнігу ў мінскай галерэі "Ў".

Саюз беларускіх пісьменнікаў глыбока смуткуе з прычыны адыходу сябра Беларусі, пісьменніка Ульфа Старка і выказвае шчырыя спачуванні сям'і пісьменніка, яго жонцы, паэтцы і перакладчыцы Яніне Арлоў.

Ульф Старк (у цэнтры) на прэзентацыі ў Мінску, 18 лютага 2012 г.

Аўтографы мінскім чытачам і чытачкам

Прэс-служба ГА "Саюз беларускіх пісьменнікаў"

Швецыя, развітанне, памяць, пераклады, дзіцячая літаратура

Каментары

Апошнія навiны

(Паказаць усе навіны)
Моц слова Францішка Скарыны
15 снежня 2017

Моц слова Францішка Скарыны

Чытаць далей...
Губернскі дэтэктыў у музеі Багдановіча — 22 снежня
15 снежня 2017

Губернскі дэтэктыў у музеі Багдановіча — 22 снежня

Чытаць далей...
Да 200-годдзя Таварыства філаматаў (ФОТА, ВІДЭА)
15 снежня 2017

Да 200-годдзя Таварыства філаматаў (ФОТА, ВІДЭА)

Чытаць далей...
Пабачыў свет 5-томнік Уладзіміра Арлова
14 снежня 2017

Пабачыў свет 5-томнік Уладзіміра Арлова

Чытаць далей...
497