Найстарэйшая творчая арганізацыя Беларусі |гады заснавання – 1933-1934|

04 кастрычніка 2017

Скарынаўская спадчына будзе захоўвацца ва Украіне

3-4 верасня 2017 г. у Нацыянальнай бібліятэцы Украіны імя У.І. Вярнадскага, якая захоўвае вялікую колькасць арыгінальных выданняў Францыска Скарыны, прайшла прэзентацыя поўнага факсімільнага ўзнаўлення кніжнай спадчыны першадрукара.

Намеснік дырэктара Нацыянальнай бібліятэкі Беларусі Алесь Суша перадаў у фонды найбуйнейшай бібліятэкі Украіны 20-томны камплект выдання і выступіў з паведамленнем аб выніках пяцігадовай працы па падрыхтоўцы ўнікальнай публікацыі.

Алесь Суша перадае камплект выдання ў Нацыянальную бібліятэку Украіны

Нацыянальная бібліятэка Украіны імя У. І. Вярнадскага падыходзіць да святкавання 100-гадовага юбілею сваёй дзейнасці, да якога засталося ўжо менш за год. Генеральны дырэктар бібліятэкі Уладзімір Попік адзначыў, што дзейнасць беларускіх калег па падрыхтоўцы і святкаванні 500-годдзя беларускага кнігадрукавання не проста заслугоўвае вялікай павагі, але і з’яўляецца сапраўды гераічным учынкам, які прымушае ўсіх бібліятэкараў з суседніх краін актывізаваць сваю працу па вывучэнні і папулярызацыі сваёй кніжнай спадчыны.

У адпаведнасці са зваротамі і запытамі Нацыянальнай бібліятэкі Беларусі, на працягу 2014–2017 гг. былі алічбаваны ўсе выданні Ф. Скарыны, якія захоўваюцца ва Украіне: у Нацыянальнай бібліятэцы Украіны імя У. І. Вярнадскага, Львоўскай нацыянальнай навуковай бібліятэцы імя В. Стэфаныка, Адэскай нацыянальнай навуковай бібліятэцы, Нацыянальным музеі імя Андрэя Шаптыцкага ў Львове і Закарпацкім абласным краязнаўчым музеі імя Тывадара Лягоцкага ў Ужгарадзе. Адсканаваныя копіі былі перададзены Нацыянальнай бібліятэцы Беларусі для выкарыстання ў выдавецкай дзейнасці і ў складзе электронных калекцый.

Новае 20-томнае факсімільнае выданне ўсіх кніг Ф. Скарыны на выставе “Францыск Скарына і яго эпоха”

На прэзентацыі Алесь Суша адзначыў, што тым самым беларускі бок выказвае сваю шчырую ўдзячнасць украінскім калегам за супрацоўніцтва. Перадача лічбавых копій з Украіны ў Беларусь і факсімільнага выдання з Беларусі ва Украіну будуць стымуляваць далейшыя культурныя і навуковыя сувязі нашых краін. 

Паводле паведамлення беларускай дэлегацыі ў Кіеве падрыхтавала Э. Дзвінская

Францішак Скарына, кнігі, партнёры, Украіна, бібліятэкі

Каментары

Апошнія навiны

(Паказаць усе навіны)
Моц слова Францішка Скарыны
15 снежня 2017

Моц слова Францішка Скарыны

Чытаць далей...
Губернскі дэтэктыў у музеі Багдановіча — 22 снежня
15 снежня 2017

Губернскі дэтэктыў у музеі Багдановіча — 22 снежня

Чытаць далей...
Да 200-годдзя Таварыства філаматаў (ФОТА, ВІДЭА)
15 снежня 2017

Да 200-годдзя Таварыства філаматаў (ФОТА, ВІДЭА)

Чытаць далей...
Пабачыў свет 5-томнік Уладзіміра Арлова
14 снежня 2017

Пабачыў свет 5-томнік Уладзіміра Арлова

Чытаць далей...
244