Навіны
Святкаванне 120-годдзя Максiма Багдановiча зладзіла ў Калiнiнградзе (Караляўцы) Таварыства беларускай культуры. Старшыня таварыства Iгар Шаховiч ужо неаднаразова збіраў разам усіх, хто неабыякавы да беларускай культуры ў Калiнiнградзе. Да гэтага часу ў горадзе згадваюць вечарыны, што былі прысвечаны выбітным дзеячам Беларусі: Багуславу Радзiвiлу, кампазітару Станіславу Манюшку...
Ігар Шаховіч і Зміцер Вайцюшкевіч
Аб жыццi i творчасцi Максiма Багдановiча расказаў слухачам госць з Мiнска Мiкола Трус, адданы і шчыры даследчык творчасці паэта, загадчык кафедры беларускай мовы i лiтаратуры Беларускага тэхналагiчнага ўніверсiтэта.
Ён падкрэслiў значнасць не толькi паэзii Багдановiча, але i яго дзейнасці ў якасці лiтаратурнага крытыка i перакладчыка на беларускую мову Авiдзiя, Дантэ, Верлена, Верхарна, Шаўчэнкі, Кацюбiнскага. Сям`я Багдановічаў вельмі сябравала з Максiмам Горкiм, паэт перапiсваўся з Брусавым. Мiкола Трус адзначыў, што Багдановiча памятаюць у тых мясцiнах, дзе ён жыў: у Яраслаўлi, Нiжнiм Ноўгарадзе, Мiнску, на Гарадзеншчыне, у Ялце. Ва ўсіх гэтых гарадах ёсць помнiкi паэту i дзейнічаюць музеi яго імя.
У Мiнску быў выдадзены трохтомнiк твораў Багдановiча. А цяпер пабачыла свет энцыклапедыя, прысвечаная творчасці славутага паэта. Яе першы сiгнальны экзэмпляр быў перададзены ў падарунак Таварыству беларускай культуры ў Калiнiнградзе. Трэба адзначыць, што калiнiнградцы сталі ўдзельнікамі першай прэзентацыі згаданай энцыклапедыі Максіма Багдановіча.
Энцыклапедыю па творчасці Багдановіча прэзентуе Мікола Трус
На свяце Багдановіча гучалi вершы паэта Вiталя Рыжкова, песнi ў выкананнi Змiтра Вайцюшкевiча, які выступiў з сольнай праграмай. На развітанне музыка заспяваў “Бывайце здаровы, жывiце багата” (словы Адама Русака), падкрэсліўшы, што гэта песня першапачаткова беларуская, а потым яе сталі спяваць на рускай, украiнскай ды іншых мовах.
З вельмi цiкавай прамовай выступіў вядомы ў Еўропе мастак з мястэчка Бобр, што пад Оршай, Алесь Пушкiн. Ен расказаў пра тое, як паўплывала знаёмства з творчасцю Максіма Багдановіча на станаўленне яго светапогляду і нацыянальнай свядомасці. Калі ў 1981 годзе святкавалі 90-годдзе паэта, свет пабачылі такія творы мастака Пушкіна як “Партрэт Максіма Багдановіча” і “Пагоня” ― менавіта іх мастак прадставіў гледачам на імпрэзе.
Алесь Пушкін зазначыў, што найважнейшую ролю ў абуджэнні яго нацыянальнай самасвядомасці адыгралі настаўнікі, якія знаёмілі юнака з беларускай гісторыяй, багатай нацыянальнай культурай. Шмат год прамінула з тых часоў, але і сёння з цеплынёй і ўдзячнасцю Пушкін згадвае сваіх выкладчыкаў.
Таварыства беларускай культуры ў Калiнiнградзе мае шмат сяброў: таварыствы ўкраiнскай, армянскай, лiтоўскай, габрэйскай культуры таксама ўзялі ўдзел у свяце паэзii.
“Усё лятуць і лятуць тыя конi, срэбнай збруяй далёка грымяць…” ― спявалi па-беларуску Мiхась Лiшаеў і Мiхась Галубкiн з Украiны, а ўкраінскі квартэт у якасці музычнага віншавання выканаў “Украiнскiя спiвы”.
Выступае Вацлаў Станкевіч
Генеральны консул Лiтвы ў Калiнiнградзе Вацлаў Станкевiч, які мае беларускія карані, на вельмi добрай беларускай мове падзякаваў за запрашэнне яго на вечарыну i пажадаў усім прыемнага вечара.
Паводле Л. Давыдзенка
[TypeError] count(): Argument #1 ($value) must be of type Countable|array, bool given (0) /mnt/extra_volume/ibwm/www/bitrix/templates/ibwm/components/bitrix/news/news/bitrix/news.detail/.default/template.php:50 #0: include /mnt/extra_volume/ibwm/www/bitrix/modules/main/classes/general/component_template.php:790 #1: CBitrixComponentTemplate->__IncludePHPTemplate /mnt/extra_volume/ibwm/www/bitrix/modules/main/classes/general/component_template.php:885 #2: CBitrixComponentTemplate->IncludeTemplate /mnt/extra_volume/ibwm/www/bitrix/modules/main/classes/general/component.php:784 #3: CBitrixComponent->showComponentTemplate /mnt/extra_volume/ibwm/www/bitrix/modules/main/classes/general/component.php:724 #4: CBitrixComponent->includeComponentTemplate /mnt/extra_volume/ibwm/www/bitrix/components/bitrix/news.detail/component.php:515 #5: include(string) /mnt/extra_volume/ibwm/www/bitrix/modules/main/classes/general/component.php:615 #6: CBitrixComponent->__includeComponent /mnt/extra_volume/ibwm/www/bitrix/modules/main/classes/general/component.php:692 #7: CBitrixComponent->includeComponent /mnt/extra_volume/ibwm/www/bitrix/modules/main/classes/general/main.php:1195 #8: CAllMain->IncludeComponent /mnt/extra_volume/ibwm/www/bitrix/templates/ibwm/components/bitrix/news/news/detail.php:16 #9: include(string) /mnt/extra_volume/ibwm/www/bitrix/modules/main/classes/general/component_template.php:790 #10: CBitrixComponentTemplate->__IncludePHPTemplate /mnt/extra_volume/ibwm/www/bitrix/modules/main/classes/general/component_template.php:885 #11: CBitrixComponentTemplate->IncludeTemplate /mnt/extra_volume/ibwm/www/bitrix/modules/main/classes/general/component.php:784 #12: CBitrixComponent->showComponentTemplate /mnt/extra_volume/ibwm/www/bitrix/modules/main/classes/general/component.php:724 #13: CBitrixComponent->includeComponentTemplate /mnt/extra_volume/ibwm/www/bitrix/components/bitrix/news/component.php:336 #14: include(string) /mnt/extra_volume/ibwm/www/bitrix/modules/main/classes/general/component.php:615 #15: CBitrixComponent->__includeComponent /mnt/extra_volume/ibwm/www/bitrix/modules/main/classes/general/component.php:692 #16: CBitrixComponent->includeComponent /mnt/extra_volume/ibwm/www/bitrix/modules/main/classes/general/main.php:1195 #17: CAllMain->IncludeComponent /mnt/extra_volume/ibwm/www/news/index.php:107 #18: include_once(string) /mnt/extra_volume/ibwm/www/bitrix/modules/main/include/urlrewrite.php:184 #19: include_once(string) /mnt/extra_volume/ibwm/www/bitrix/urlrewrite.php:2 ----------