Найстарэйшая творчая арганізацыя Беларусі |гады заснавання – 1933-1934|

16 лютага 2015

Школа празаікаў на фестывалі паэзіі

У насычанай чатырохдзённай праграме паэтычнага фестывалю «Вершы на асфальце» знайшлося месца і прозе — 16 лютага ў галерэі TUT.BY прайшоў вечар празаікаў Школы маладога пісьменніка пад назвай «Антыпаэзія».

Мадэравалі імпрэзу пісьменніцы і перакладчыцы Юля Цімафеева і Алена Казлова, куратаркі Школы маладога пісьменніка пры ГА “Саюз беларускіх пісьменнікаў” — так гучыць афіцыйная назва нефармальнага адукацыйнага праекта, які дзейнічае трэці год. У прывітальнай прамове літаратаркі расказалі пра тое, як у 2012 годзе пачыналася незвычайная пісьменніцкая навучальная ініцыятыва, і перадалі слова адной з выкладчыц Школы Людміле Рублеўскай.

Людміла Рублеўская

Людміла Іванаўна адзначыла, што не толькі выкладае, але і сама шмат чаму вучыцца на гэтых літаратурных занятках і папрасіла сваіх навучэнцаў не крыўдаваць на крытыку і заўвагі, бо на яе думку, "ніякая важная справа не абыходзіцца без болю".

Першай у антыпаэтычным марафоне выступіла Ксенія Шталянкова, якая прачытала сваё апавяданне пра Папялушку і загадала некалькі загадак паводле першай часткі сваёй трылогіі "Адваротны бок люстра". За правільныя адказы Алена Казлова і Антон Рудак атрымалі ў падарунак ад Ксені аўтарскія закладкі.

Ксенія Шталянкова

Другім выступіў Аляксандр Дамброўскі – навучэнец сёлетняй Школы маладога пісьменніка. Малады празаік зачытаў некалькі сваіх твораў на вострасацыяльную тэматыку. Дыялогі з невялічкіх апавяданняў Аляксандру дапамагала чытаць ягоная калега Крысціна Бандурына, таксама навучэнка сёлетняга набору Школы.

Крысціна Бандурына і Аляксандр Дамброўскі

Мікіта Волкаў вучыўся ў Школе маладога пісьменніка летась, але ўжо знаёмы чытачу па публікацыях у "Нашай ніве" і іншых выданнях. Мікіта сканчвае медыцынскі ўніверсітэт, таму ў ягоных творах адлюстроўваюцца будні шэраговых паліклінік і лякарняў, часам трагічныя і шакавальныя для звычайнага чытача.

Мікіта Волкаў і Юля Цімафеева

Крысціна Бандурына прачытала лірычнае апавяданне пра свой досвед прадавачкі марозіва ў спякотны летні дзень, а адказваючы на пытанне з залі, сказала, што амаль ніколі не прыдумляе сюжэтаў для сваіх твораў, і ўсё, пра што яна піша, – гэта рэальныя гісторыі з асабістага вопыту, бо калі ты гэтага не пражыў сам, то чытач проста табе не паверыць.

Крысціна Бандурына

Завяршаў вечар антыпаэзіі аўтар нашумелай кнігі "Полигон" – Андрэй Лазуткін, які пажартаваў, што пасля заканчэння Школы і выхаду дэбютнай кнігі зрабіўся вядомым пісьменнікам. Нечакана для ўсіх сваё аўтабіяграфічнае апавяданне Андрэй прачытаў па-беларуску, выклікаўшы апладысменты публікі.

Юля Цімафеева і Андрэй Лазуткін

Альгерд Бахарэвіч і Юля Цімафеева

У зале - гомельскі пісьменнік Сяргей Балахонаў

Напрыканцы іпрэзы Юля Цімафеева і Алена Казлова расказалі, як можна трапіць у Школу маладога пісьменніка (падрабязна пра ўмовы набору чытайце ТУТ), і саступілі пляцоўку Дзмітрыю Плаксу, Ігару Корзуну і гурту Drum Ecstasy, якія працягнулі апошні фестывальны вечар паэтычна-музычным пэрформансам "Навязванне".

Дар'я Латышава для lit-bel.org

Фота Алены Казловай

Каментары

Апошнія навiны

(Паказаць усе навіны)
Расстраляныя літаратары. Платон Галавач, які перад расстрэлам напісаў: «Гісторыя яшчэ скажа праўду пра нас»
20 кастрычніка 2017

Расстраляныя літаратары. Платон Галавач, які перад расстрэлам напісаў: «Гісторыя яшчэ скажа праўду пра нас»

Чытаць далей...
Віншуем Юрку Голуба і Васіля Андрыеўскага з юбілеем!
20 кастрычніка 2017

Віншуем Юрку Голуба і Васіля Андрыеўскага з юбілеем!

Чытаць далей...
«Дзеяслову» – 15! Святкуй разам з намі!
19 кастрычніка 2017

«Дзеяслову» – 15! Святкуй разам з намі!

Чытаць далей...
Пайшоў з жыцця пісьменнік Іван Івашка
19 кастрычніка 2017

Пайшоў з жыцця пісьменнік Іван Івашка

Чытаць далей...
445