Найстарэйшая творчая арганізацыя Беларусі |гады заснавання – 1933-1934|

13 лютага 2016

«Забойны аддзел» — Польшча, Украіна, Беларусь

Увечары 12 лютага ў галерэі TUT.BY у Мінску ў межах V Міжнароднага паэтычнага фестывалю памяці Міхася Стральцова адбылася вечарына з удзелам пісьменнікаў Богдана Задуры (Польшча), Аляксандра Ірванца (Украіна), Уладзіміра Арлова і Андрэя Хадановіча (Беларусь).

Злева направа: Андрэй Хадановіч, Богдан Задура, Уладзімір Арлоў, Аляксандр Ірванец 

Нагодай для сустрэчы стаў выхад дзвюх новых паэтычных кніг: перакладной "Труны з Ікеі" Богдана Задуры, якая пабачыла свет у выдавецтве "Логвінаў" пад рэдакцыяй Уладзіміра Арлова, і арыгінальнай -- "Цягнік Чыкага-Токіа" Андрэя Хадановіча.

Вечарына складалася з паэтычных чытанняў на розных мовах, якія чаргаваліся з нязмушанай сяброўскай гутаркай -- прэзентацыя была падобная на сустрэчу даўніх прыяцеляў.

Андрэй Хадановіч і Богдан Задура

Так яно і аказалася: аўтары добра ведаюць адно аднаго, іх звязваюць і досвед супольнай супрацы, перакладу або рэдагавання тэкстаў, і сумесныя выступленні ў розных гарадах і краінах, і тая метафізічная агульнасць, што яднае ўсіх творчых людзей.

Не выпадкова падчас прэзентацыі не спатрэбіўся пераклад: кожны гаварыў на сваёй мове, і ўсе выдатна разумелі і польскую, і ўкраінскую, і беларускую.

Выступае Уладзімір Арлоў

Богдан Задура

Іншая справа -- мастацкія вершаваныя перастварэнні. Прагучалі тэксты з кнігі "Труны з Ікеі" Богдана Задуры як у арыгінале, у аўтарскім выкананні, так і па-беларуску, здзейсненыя Андрэем Хадановічам.

Аляксандр Ірванец

Аляксандр Ірванец атрымаў асаблівую ўвагу публікі, прачытаўшы паэму "Беларусь", у якой паэт выказаў цеплыню і любоў да нас і нашай краіны.

Богдан Задура, Уладзімір Арлоў, Аляксандр Ірванец

Прэзентацыя завяршылася аўтограф-сесіяй.

Тэкст і фота: Віка Трэнас, для lit-bel.org

Гл. таксама: ПРАГРАМА СТРАЛЬЦОЎСКАГА ФЭСТУ

Каментары

Апошнія навiны

(Паказаць усе навіны)
Кізі, Паланюк, Букоўскі і Этвуд на беларускай мове
26 чэрвеня 2017

Кізі, Паланюк, Букоўскі і Этвуд на беларускай мове

Чытаць далей...
Папулярызаваць спадчыну братоў Гарэцкіх
23 чэрвеня 2017

Папулярызаваць спадчыну братоў Гарэцкіх

Чытаць далей...
Моцарт беларускай літаратуры
23 чэрвеня 2017

Моцарт беларускай літаратуры

Чытаць далей...
Даведнік па аўтарскім праве – вольна пампуйце і чытайце!
23 чэрвеня 2017

Даведнік па аўтарскім праве – вольна пампуйце і чытайце!

Чытаць далей...
556