Найстарэйшая творчая арганізацыя Беларусі |гады заснавання – 1933-1934|

15 лютага 2016

Апошнія «Звершы» і закрыццё паэтычнай кухні фестываля

14 лютага ў межах V міжнароднага паэтычнага фестываля «Вершы на асфальце» імя Міхася Стральцова адбылося чытанне эсперыментальных і мадэрновых вершаў «Турбацыя мас».

Для таго, каб больш поўна зразумець змест гэтага аддзялення фестываля, неабходна пераставіць словы ў яго назве -- "Турбацыя мас", паводле ўкраінскага ўдзельніка Аляксандра (Сашка) Ірванца. У гэтым сэнсе тэмы ў чытаннях найбольш датрымаліся беларуска-ўкраінскі аўтар Сяргей Прылуцкі, а таксама экстравагантны беларускі выступоўца Віктар Лупасін. Апошні не толькі чытаў свае тэксты, але і спяваў, і хадзіў у залю з мікрафонам, як Ала Пугачова ці Сафія Ратару ў 80-х.

Рэфлексійную паэзію чыталі лаўрэатка прэміі "Дэбют" у паэзіі Таццяна Нядбай, сёлетняя слэм-майстарка Дар'я Бялькевіч, а таксама літоўскі паэт Мар'юс Бурокас, які выступіў разам са сваім перакладчыкам на беларускую Андрэем Хадановічам. Слоўную эквілібрыстыку прадставілі слухачам ветэран беларускіх слэмаў і іх неаднаразовы пераможца Віктар Жыбуль, а таксама расейска-нямецкі паэт-авангардыст Сяргей Бірукоў, назву вершаванага цыклю якога "Зверостихи" перакладчык са стажам Андрэй Хадановіч пераклаў на беларускую без адрыву ад мадэрацыі імпрэзы, коратка і трапна -- "Звершы".

Пасля "турбацыі" быў выступ Антона Рудака і гурта "Гарадскі вал", пасля слэм і... ўсё.

Паэтычная кухня фестываля сёлета больш не працуе, прыходзьце ў наступным годзе.

Аляксандр Ірванец (Украіна)

Тацяна Нядбай (Беларусь)

Мар’юс Бурокас (Літва)

Сяргей Бірукоў (Расія/Германія)

Віктар Лупасін

Да выступа Віктара Лупасіна ніхто не застаўся абыякавы.

Дар’я Бялькевіч (Беларусь)

Паэтка і філолаг Анхела Эспіноса

Сяргей Прылуцкі  (Беларусь/ Украіна)

Віктар Жыбуль (Беларусь)

Чытае верш Антон Рудак, выступае гурт "Гарадскі вал". Фота Арыны Радзівончык

Тэкст і фота: Алена Казлова для lit-bel.org

Каментары

Апошнія навiны

(Паказаць усе навіны)
Моц слова Францішка Скарыны
15 снежня 2017

Моц слова Францішка Скарыны

Чытаць далей...
Губернскі дэтэктыў у музеі Багдановіча — 22 снежня
15 снежня 2017

Губернскі дэтэктыў у музеі Багдановіча — 22 снежня

Чытаць далей...
Да 200-годдзя Таварыства філаматаў (ФОТА, ВІДЭА)
15 снежня 2017

Да 200-годдзя Таварыства філаматаў (ФОТА, ВІДЭА)

Чытаць далей...
Пабачыў свет 5-томнік Уладзіміра Арлова
14 снежня 2017

Пабачыў свет 5-томнік Уладзіміра Арлова

Чытаць далей...
641