Найстарэйшая творчая арганізацыя Беларусі |гады заснавання – 1933-1934|

21 снежня 2016

Заява Рады і Сакратарыята ГА «Саюз беларускіх пісьменнікаў» па сітуацыі з тэлеканалам «Белсат»

Рада і Сакратарыят ГА “Саюз беларускіх пісьменнікаў”, далучаючыся да кампаніі падтрымкі тэлеканалу “Белсат”, выказваюць занепакоенасць сітуацыяй, што склалася ў апошні час вакол адзінага незалежнага беларускамоўнага каналу.

Усведамляючы важнасць атрымання грамадзянамі Беларусі аб’ектыўнай і нецэнзураванай інфармацыі па-беларуску, ГА “СБП” заклікае польскі бок перагледзець планы адносна ліквідацыі “Белсату”.

“Белсат” цягам 9 год свайго існавання шырока асвятляў культурніцкую сітуацыю, выступаў трыбунай для дзеячоў культуры, незалежных літаратараў, мастакоў, музыкаў, якія не маюць у Беларусі доступу да афіцыйнага тэлебачання і СМІ наогул.

Незалежныя крыніцы інфармацыі ёсць неад’емнай часткай існавання дэмакратычнай еўрапейскай супольнасці, іх аслабленне і ліквідацыя пакідаюць беларусаў безабароннымі, што ва ўмовах татальнай русіфікацыі і ваяўнічага наступу “Рускага свету” без перабольшання можа мець самыя драматычныя наступствы.

Мы спадзяемся, што польская дзяржава, якая сама напрацягу дзесяцігоддзяў цярпела ўціск дыктатуры, знойдзе магчымасць захаваць тэлеканал “Белсат” і застанецца вернай прынцыпам свабоды слова і дэмакратыі.

 

заявы

Каментары

Апошнія навiны

(Паказаць усе навіны)
Людцы Сільновай — 60!
21 красавіка 2017

Людцы Сільновай — 60!

Чытаць далей...
Што такое гендарная роўнасць?
21 красавіка 2017

Што такое гендарная роўнасць?

Чытаць далей...
Ганна Комар і яе «Страх вышыні» (+ФОТАГАЛЕРЭЯ)
21 красавіка 2017

Ганна Комар і яе «Страх вышыні» (+ФОТАГАЛЕРЭЯ)

Чытаць далей...
Якімі кнігамі варта ганарыцца беларусам?
20 красавіка 2017

Якімі кнігамі варта ганарыцца беларусам?

Чытаць далей...
514