» Афіша » Падвядзенне вынікаў конкурсу “А-LOVak”

Падвядзенне вынікаў конкурсу “А-LOVak”

Дата публікацыі: 22.12.2014
2689

Для тых, хто піша, але яшчэ хавае свае творы ў шуфлядзе пісьмовага стала, платформа Litara-A арганізавала конкурс “А-LOVak”.

MQhSk84wkdc

За два тыдні на конкурсную скрыню Litara-A прыйшло 136 твораў розных памераў, жанраў і стыляў. Але конкурс “А-LOVak” – гэта не проста спаборніцтва маладых аўтараў, а магчымасць быць пачутым, зразумелым і, што вельмі важна, ацэненым прафесійным журы.

Суддзі конкурсу - Андрэй Хадановіч, Альгерд Бахарэвіч, Віталь Рыжкоў, Глеб Лабадзенка і Ганна Комар абіралі лепшыя творы ў чатырох намінацыях: “Лепшы верш”, “Лепшы пераклад”, “Лепшы празаічны твор”, “Лепшае эсэ”.Журы выстаўлялі адзнакі па 10-бальнай шкале, ацэньваючы 2 параметры: змест і форму.

Балы падлічаны, пераможцы вызначаны, і Litara-A запрашае ўсіх на імпрэзу, зробленую з нагоды конкурсу!

23-га снежня, 19.00, у бары “ДК” (Талбухіна, 4) адбудзецца падвядзенне вынікаў конкурсу “А-LOVak”.

У праграме вечара:

  • чытанне лепшых твораў,
  • узнагароджанне пераможцаў,
  • гульні і конкурсы,
  • DJ Poise,
  • цеплая творчая атмасфера.

Хай пераможа мастацтва! ;)