Прагляд і абмеркаванне дакументальных фільмаў пра Палессе

Рэдакцыя “Вольнага архіву” ладзіць паказ і абмеркаванне дакументальных фільмаў “Песня Палесся” і “Граюць вяселле гармоні”.

26-га верасня ў 19-00. Кнігарня “Логвінаў” (Незалежнасці, 37а).

Крыху пра фільмы. “Песня Палесся” Ён створаны аб’яднаннем “Летапіс” у 1968 годзе. Здымкі вяліся ў Лельчыцкім раёне. У сучасным разуменні фільм нельга назваць строга дакументальным, бо ў ім хапае відавочна пастановачных сцэнаў, але ён сам з’яўляецца дакументам той эпохі. Фільм доўжыцца трохі больш за 18 хвілінаў і будзе цікавы аматарам беларускіх народных спеваў і танцаў, якія пачуюць Сцяпана Дубейку і “Лельчыцкую капэлу”.

Тэлефільм Граюць вяселле гармоні датуецца 1976 годам, але здымаўся яўна не пазней за 1970 год таму, што ў ролі свата выступіў Уладзімір Васілевіч Журовіч, які памёр у 1970 годзе. Кінастужка паказвае тагачаснае беларускае вяселле, знятае ў Лельчыцкім раёне.