Прэзентацыя кнігі паэзіі Валерыя Дубоўскага "На пачатку маўчання"

Дата публікацыі: 02.10.2013

2795

10 кастрычніка ў мінскай галерэі “Ў” (пр. Незалежнасці, 37А) адбудзецца прэзентацыя паэтычнай кнігі Валерыя Дубоўскага “На пачатку маўчання”. Кніга пабачыла свет у серыі “Кнігарня пісьменніка” Бібліятэкі Саюза беларускіх пісьменнікаў.

У вечарыне возьмуць удзел: Уладзімер Арлоў, Валеры Дубоўскі, Сяргей Законнікаў, Алесь Пашкевіч, Барыс Пятровіч, Пётра Садоўскі, Аксана Спрынчан, а таксама Валянціна Лузіна (у былым намеснік старшыні Ашмянскага райвыканкама, дэпутат Палаты прадстаўнікоў Вярхоўнага Савета).

Вершы прачытаюць: акцёры тэатра імя Янкі Купалы Алена Сідарава, Тэатра-студыі кінаакцёра Ала Проліч, а таксама аўтар.

Вядучы вечарыны Міхась Скобла.

Пачатак у 19.00. Уваход вольны