“Серадовішча” з Андрэем Хадановічам

Дата публікацыі: 23.04.2016

3707

Тры пярсцёнкі Антоныча

Ён быў закаханым у жыццё паганцам і насіў сонца ў кішэні, рос разам з травой і стварыў “Зялёнае евангелле”. Паводле іншай версіі, быў хрушчом і жыў на вішнях – тых самых, што апяваў Шаўчэнка. А яшчэ львоўскім дэкадэнтам, што напісаў “Баладу пра блакітную смерць”.

Багдан-Ігар Антоныч (1909-1937), самы таямнічы, містычны й рафінаваны ўкраінскі паэт возьме ахвочых у патройныя абдымкі, атуліўшы пярсцёнкам песні, пярсцёнкам маладосці й пярсцёнкам ночы… А потым пачнецца снег, лэмкаўскія песні – і неба ўпадзе на хаты.

Вядоўца — Андрэй Хадановіч.

Спецыяльная госця – перакладчыца Алена Пятровіч.

27 красавіка, 19.00, кнігарня логвінаЎ.

Уваход вольны