Творчая сустрэча з Андрэем Адамовічам

Літаратурны музей Максіма Багдановіча 

ЗАПРАШАЕ

далучыцца да культурна-асветніцкага праекта

“МАЛАДЫЯ ГАДЫ, МАЛАДЫЯ ЖАДАННІ!”

Серыя сустрэч з маладымі беларускімі і замежнымі творцамі

30 сакавіка 2016 года а 19-й гадзіне

“СУСТРЭЧА ДРУГАЯ. АНДРЭЙ АДАМОВІЧ”

 

На пачатку свайго творчага шляху Максіма Багдановіча сутыкнуўся з непрыняццем сваёй паэзіі некаторымі ўплывовымі супрацоўнікамі “Нашай нівы”, якія назвалі вершы маладога аўтара “дэкадэншчынай”. Максім Багдановіч сапраўды вылучаўся на фоне большасці тагачасных паэтаў і культурай пісьма, і падыходам да выбару тэматыкі. На шчасце, у супрацьвагу рашучым непрыхільнікам знайшліся не менш рашучыя абаронцы пачаткоўца-наватара, і імя Максіма Багдановіча не знікла з далягляду беларускай літаратуры.

У беларускай літаратуры нашых дзён таксама з’яўляюцца маладыя аўтары, чыя творчасць неадназначна ўспрымаецца сучаснікамі. І тут, безумоўна, варта згадаць Андрэя Адамовіча, лаўрэата прэміі “Дэбют” імя Максіма Багдановіча за 2013 год. Адны захапляюцца эклектычнасцю і інтэлектуалізмам яго тэкстаў, другія ставяць пад сумнеў смелае стаўленне да сакральных сімвалаў беларускай культуры. Трэція - увогуле чуць не чулі, хто гэта такі.

У праграме:

- старыя вершы;

- новая проза (прэзентацыя кнігі "Таўсьціла і лешч");
- выступленне гасцей;
- аўтограф-сесія.

Уваход вольны!

Літаратурны музей Максіма Багдановіча (вул. М.Багдановіча, 7а)

Тэлефон для даведак: 8 (017) 334 42 69

Паводле прэс-рэлізу