“Украінская калекцыя з Максімам Жбанковым”, сеанс 4

Дата публікацыі: 11.05.2016

1948

Глядзім і абмяркоўваем стужку “Вавілён ХХ” (1979, рэж. Іван Мікалайчук, 95 хв.)

13 траўня. Кнігарня "логвінаЎ" (Незалежнасці, 37а). Пачатак а 19. Уваход - вольны

Рэжысёрскі дэбют суперзоркі ўкраінскіх 1960-х – харызматычнага актора, музыкі ды заўзятага культур-актывіста з Галіччыны. Экранізацыя рамана Васіля Зямляка “Лебядзіная зграя”.

Як жыць пасля рэвалюцыі? Для жыхароў невялічкай вёскі Вавілён простага адказу няма. Свет нечакана апынуўся падзеленым на два варожыя бакі. І раптам тэрмінова трэба абіраць: чырвоная камуна ў былой арыстакратычнай сядзібе ці ўзброеная абарона свайго заможнага жыцця. Праз ідэалагічную мабілізацыю губляюць сэнс штодзённыя справы ды захапленні. І што ні зрабі – будзе балюча…

Шэдэўральнае паслямоўе да эпохі “ўкраінскага паэтычнага кіно”.

Паводле прэс-рэлізу