Вечарына памяці Міколы Ермаловіча

28 красавіка 2016 г. а 17-й гадзіне ў Літаратурным музеі Максіма Багдановіча Дзяржаўны музей гісторыі беларускай літаратуры ладзіць вечарыну, прысвечаную 95-годдзю беларускага гісторыка, публіцыста, пісьменніка і паэта Міколы Ермаловіча.

Больш чым чатыры дзесяцігоддзі (1957 – 2000 гг.) Мікола Ермаловіч даследаваў і вывучаў старажытныя беларускія летапісы, творы, іншыя гістарычныя крыніцы. Вынікам гэтага сталі яго кнігі: "Дарагое беларусам імя" (1970 г.), "Старажытная Беларусь: Полацкі і Новагародскі перыяды" (1990 г.), “Па слядах аднаго міфа” (1989 і 1991 гады выданняў), "Старажытная Беларусь: Віленскі перыяд" (1994 г.), і асабліва - "Беларуская дзяржава Вялікае княства Літоўскае" (1999 г.). Яны прымусілі ўсіх нас па-новаму паглядзець на шматлікія падзеі і даты ў айчыннай гісторыі, перагледзець ацэнкі асоб многіх дзяржаўных дзеячаў старажытнай і сярэднявечнай Беларусі.

Кнігі і артыкулы гісторыка, апублікаваныя ў апошняе дзесяцігоддзе XX стагоддзя, сталі адкрыццём старажытнай Беларусі. І ўся тытанічная праца праводзілася ва ўмовах практычна поўнай адсутнасці зроку (- 27)…

На мерапрыемстве Вы даведаецеся больш пра справы выбітнага гісторыка і пісьменніка Міколы Ермаловіча ад яго сяброў і калег.

А таксама ў Вас будзе магчымасць пазнаёміцца з новай кнігай Кастуся Цвіркі “На скрыжалях вякоў”. Паэтперакладчык, фалькларыстэтнограф і мовазнавец Кастусь Аляксеевіч працягвае добрыя традыцыі Міколы Ермаловіча. Гісторыя на старонках яго твораў становіцца “жывой” і набывае літаратурную “афарбоўку”.

Уваход вольны.