Ахроменка Уладзіслаў Ігаравіч

Ахроменка Уладзіслаў Ігаравіч

Ахроменка Уладзіслаў Ігаравіч

Ахроменка Уладзіслаў Ігаравіч

Уладзіслаў Ахроменка (Uladzislaŭ Achromienka) нарадзіўся 29.01.1965 у Гомелі. Празаік, кінасцэнарыст, драматург. Жыве ў Мінску і Чарнігаве.

Бацька, Ігар Яўхімавіч — інжынер завода РТО, маці Ірына Канстанцінаўна, — выкладчыца Гомельскай музычнай вучэльні ім. Сакалоўскага. 

Вучыўся ў сярэдняй школе №26 г. Гомеля (1972-78), Сярэдняй Спецыяльнай Музычнай Школе пры Беларускай Дзяржаўнай Кансерваторыі, клас фартэпіяна (1978—1981), Гомельскай музычнай вучэльні імя Сакалоўскага (1981—1984), Беларускай Дзяржаўнай Кансерваторыі (1984-89, клас прафесара Цветаевай І. А.). Лаўрэат нацыянальнага конкурса маладых выканаўцаў (Мінск, 1977, 1-ая прэмія). 

Працаваў выкладчыкам музычнай школы г. Лоева, карэспандэнтам часопіса «Крыніца», рэдактарам аддзела часопіса «Бярозка», адказным сакратаром і рэдактарам аддзела газеты «Культура», рэдактарам газеты беларусаў у Польшчы «Ніва» (Беласток). З 1993 працуе па дамовах з кнігавыдавецтвамі і кінакампаніямі. Першае апавяданне — часопіс «Бярозка» (1988). 

Працуе ў вострасюжэтных, камерцыйна запатрабаваных жанрах: дэтэктыў, трылер, альтэрнатыўная гісторыя. Разам з Максімам Клімковічам з’яўляецца адным з распачынальнікаў у Беларусі жанра кінарамана. 

Жанаты, трое дзяцей.

Бібліяграфія

Аўтар кніг прозы:

«Здані і пачвары Беларусі» (1994, у суаўтарстве з Максімам Клімковічам. Пад псеўданімамі Францішак Хлус і Марцін Юр),

кінараман «Янкі, альбо Астатні наезд на Літве» (2007, у суаўтарстве з Максімам Клімковічам),

«Праўдзівая гісторыя Кацапа, Хахла і Бульбаша» (2009, у суаўтарстве з Максімам Клімковічам),

«Тэорыя змовы» (2011). 

Аўтар п’есы «Русалка Камсамольскага возера» (2010, у суаўтарстве з Максімам Клімковічам). Апавяданні, навэлы, эсэ друкаваліся ў калектыўных зборніках, альманахах і часопісах. Перакладзены на ўкраінскую, чэшскую і польскую мовы. Пад шматлікімі псеўданімамі выдаў блізка дзьвюх соцен арыгінальных т.з. камерцыйных раманаў на рускай мове, некаторыя з іх экранізаваныя.

Асабістыя старонкі сяброў СБП

Паказаць увесь спіс