Віктар Казько. Дзікае паляванне ліхалецця

Віктар Казько. Дзікае паляванне ліхалецця: эсэ, публіцыстыка. — Мінск: Кнігазбор, 2009. — 360 стар. — (Бібліятэка Саюза беларускіх пісьменнікаў “Кнігарня пісьменніка”: вып. 2).

Новая кніга вядомага беларускага празаіка складзеная з эсэістыкі і публіцыстыкі апошніх гадоў. Вось толькі некаторыя іх назвы, якія яскрава сведчаць і пра змест: “Азвярэнне, амаль Крамлёўская гісторыя”, “Дзікае паляванне каралёў сталіншчыны”, “Абуджэнне памяці”, “Так на Беларусі хаваюць прарокаў”, “Зазірнуць у вочы свайму “Я”, “Я вам ніколі не хлусіў” і інш. Вастрыня і надзённасць, боль за родную зямлю і краіну, мову і культуру — адметнасць кнігі, як і ўсёй творчасці Віктара Казько.