Навіны
Яшчэ на пачатку 2008 года Аляксандра Дынько прапанавала падрыхтаваць для «нашаніўскай» серыі кнігу гутарак з Рыгорам Барадуліным. Я, вядома, пагадзіўся, хоць, безумоўна, прапанова гэтая была не толькі ганаровай, але і дужа адказнай. Згоду даў і Рыгор Іванавіч. І вось цяпер я вельмі ўдзячны і «Нашай Ніве», і выдавецтву Ігара Логвінава за тое, што справа была даведзеная да лагічнага фіналу — кніга нарэшце з’явілася.
У серыі "Кнігарня пісьменніка" Бібліятэкі Саюза беларускіх пісьменнікаў выйшаў зборнік вершаў "Святая вада" Ларысы Раманавай. З апорай на традыцыі ствараць прыгажэйшым і лепшым сённяшняе беларускае духоўнае быццё; усе пакуты, усё нядобрае можна пераадолець пяшчотай і любоўю, — на такую праграму настройваюць многія вершы паэткі.
У "Літаратурнай Беларусі" № 68 чытайце: "Гумар быў ягоным крэда" (ДА 100-годдзя Леаніда Прокшы); Яўген Бяласін пра Алеся Разанава; старонкі новай кнігі Алеся Жука; кніжныя агляды Наталлі Якавенка і Паўла Абрамовіча.
Вайцяшонак (Жук) Марыі Антонаўне сёння спаўняецца 70 гадоў. З гэтай нагоды СБП выказвае свае самыя шчырыя віншаванні юбілярцы! Доўгіх гадоў і творчага імпэту, Марыя Антонаўна!
У Дзяржаўным гісторыка-літаратурным і прыродна-ландшафтным запаведніку А.С. Пушкіна “Міхайлаўскае” (Пушкінагорскі раён Пскоўскай вобласці, Расійская Федэрацыя) адчынілася выстава “Янка Купала і Якуб Колас – беларускія песняры”, прымеркаваная да 130-годдзя з дня нараджэння класікаў беларускай літаратуры. Праект здзейснены пры фінансавай падтрымцы Міністэрства культуры Беларусі.
26 красавіка адбылося паседжанне Магілёўскага аддзялення ГА "Саюз беларускіх пісьменнікаў". Адзінагалосным галасаваннем было пацверджана рашэнне аб аднаўленні дзейнасці Магілёскага аддзялення СБП.
У траўні чакаюць сваіх юбілеяў сябры ГА “Саюз беларускх пісьменнікаў” Вайцяшонак Марыя,
Рубанік Дзмітрый, Панізнік Сяргей, Бароўскі Анатоль,
Барыс Сымон, Кандратаў Мікалай, Зуб Іна.
Нашага сябра Пятрова Сяргея Пятровіча шчыра віншуем з 75-годдзем! Зычым Вам добрага здароўя, творчага імпэту і цяпла блізкіх, шаноўны Сяргей Пятровіч!
У электронным выдавецтве “Пяршак” часопіса 34mag.net выйшаў зборнік Васіля Быкава “Пасляжыццё”. Дапамаглі з выданнем кнігі ўдава аўтара Ірына Міхайлаўна Быкава, Саюз беларускіх пісьменнікаў і часопіс «Дзеяслоў».
43-гадовы нямецкі пісьменьнік Марцін фон Арндт напісаў раман “Кастрычніцкая плошча” (2012). Дзеяньне ў рамане, дзе скрыжаваліся дэтэктыўная, любоўная і палітычная сюжэтныя лініі, разгортаваецца ў Беларусі.
1 траўня заканчваецца прыём твораў на літаратурны конкурс “Экслібрыс” для маладых пісьменнікаў, абвешчаны ГА “Саюз беларускіх пісьменнікаў. Для ахвотных у ім паўдзельнічаць сёння ― апошні шанец.
У межах кампаніі “Будзьма беларусамі!” перакладчыца Юля Цімафеева і пісьменніца Анка Упала правялі літаратурныя імпрэзы ў Полацку і Віцебску. У другой сустрэчы ўзяў удзел і віцебскі літаратар Уладзімір Папковіч.
2-га траўня ў сераду ў кнігарні логвінаЎ на Незалежнасці 37а адбудзецца прэзентацыя рамана Аляксея Талстова "Мінакі". Аўтар раскажа пра свой твор і пачытае ўрыўкі з яго, адкажа на пытанні наведнікаў імпрэзы.
24 красавіка ў чэскім горадзе Брно распачаўся фэстываль беларускай культуры by. By. Назва фэстывалю — гэта сымбаль беларускай культуры, творы беларускіх аўтараў.
Пісьменьнікі разгубіліся: пра што пісаць? Раней колькі гадоў плакалі: не дазваляе цэнзура, заціскае ЦК. А цяпер, калі зьнікла цэнзура і ЦК, мабыць, стала і яшчэ горш. Як тыя зьвяркі, што выгадаваліся ў клетцы — адпушчаныя на волю, у лес, ня могуць пражыць.
Што значыць выгадавацца пад штодзённым партыйным кіраўніцтвам!
Другі гульнявы фільм Сяргея Лазніцы «У тумане» прэтэндуе на залатую пальмавую галіну 65-га Канскага міжнароднага кінафестывалю. Экранізацыя аднайменнай аповесці Васіля Быкава — сумесная вытворчасць Расіі, Германіі, Латвіі, Нідэрландаў і Беларусі.
18 красавіка ў межах кампаніі "Будзьма беларусамі!" у Стаўбцоўскай дзіцячай бібліятэцы адбылася імпрэза "Роднаму слову — гучаць…". Вядомая беларуская пісьменніца Аксана Спрынчан была запрошаная невыпадкова — яна нарадзілася ў горадзе, у якім жыў Якуб Колас, да чыйго юбілею рыхтуецца ўся Стаўбцоўшчына.
Рамкі выяўленчага мастацтва неверагодна вузкія — партрэт, пейзаж, нацюрморт, жанравая карціна — і рамкі гэтыя не разарвеш. Мастак грамадства за сабой павесці не здолее, а вось актуальны артыкул можа падняць людзей. Працуючы са словам, ты адчуваеш, што робіш місію.
Гульня са словамі і сэнсамі, вобразамі і аб’ектамі, прапанаваная аўтаркай зборніка апавяданняў і вершаў "Дрэва энталіпт" Анкай Упалай, задала тон імпрэзе з нагоды выхаду кнігі, што прайшла 20 красавіка ў галерэі «Ў».
На Брэстчыне моладзь запрашаюць да ўдзелу ў свяце беларускай і шведскай літаратуры. Пачаты прыём заявак на ўдзел у конкурсе юнацкай паэзіі. Удзельнікам літаратурнага спаборніцтва можа стаць асоба ва ўзросце ад 15 да 18 год, што пражывае на Брэстчыне і піша вершы на беларускай або рускай мовах. Галоўны прыз, які атрымае пераможца конкурсу, – паездка ў Швецыю.
