Навіны

09.09.2008
3364
Андрэй Хадановіч -- прызёр паэтычнага фэстывалю ў Славеніі

3—7 верасьня ў Віленіцы (Славенія) прайшоў 23 міжанародны літаратурны фэстываль. Галоўны прыз фестывалю — Крышталь Віленіцы -- сёлета атрымаў Андрэй Хадановіч. "Цяпер, спадзяюся, кожныя чатыры гады ў алімпійскі год будзе перамагаць беларускі літаратар!" — жартуе паэт. Бо ў 2004-м у Віленіцы перамагла паэтка Вальжына Морт.

03.09.2008
3805
Першую прэмію "Нефармат" уручаць у лютым 2009 года

У аўторак, 2 верасня, адбылася афіцыйная прэзентацыя новай літаратурнай прэміі Расіі"Нефармат", заснаванай для аўтараў не старэй за 27 гадоў. Доўгі спіс канкурсантаў стане вядомы ў першы тыдзень лістапада, кароткі - у сярэдзіне студзеня наступнага года, імя фіналіста назавуць у лютым. Прэміі прысуджаюцца ў трох намінацыях: паэзія, малая і вялікая проза. Грашовы прыз у кожнай з намінацый складае 70 тысяч рублёў, а галоўны прыз - 115 тысяч.

02.09.2008
2564
Уладзімер Арлоў папоўніў сваю дыскаграфію

У новай, чацьвертай па ліку, аўдыёкнізе Ўладзімера Арлова – папулярныя гістарычныя апавяданьні, якія адносяць нас у часы Лышчынскага, Вашчылы, Грынявіцкага, Каліноўскага, а таксама аповесьць «Сны імпэратара».

02.09.2008
2257
“Лаздзіну Пяледа і Вацлаў Ластоўскі: крыўскія міфы і гістарычныя лёсы”

1 верасня завяршыўся  літаратурна-гістарычны конкурс “Лаздзіну Пяледа і Вацлаў Ластоўскі: крыўскія міфы і гістарычныя лёсы”, які быў арганізаваны
Саюз пісьменьнікаў Літвы сумесна з Еўрапейскім гуманітарным унівэрсытэтам.

29.08.2008
4984
Рыгор Барадулін: “Нацыястваральная праца за паэтамі застаецца”

Прамінулае лета для Рыгора Барадуліна было багатым на падзеі. У чэрвені ён быў уганараваны Прэміяй імя Васіля Быкава, якую заснаваў грамадзкі рух “За свабоду”. А ў ліпені том выбраных твораў народнага паэта выйшаў у “клясычнай” сэрыі “Беларускі кнігазбор”. Амаль да апошніх дзён жніўня Рыгор Барадулін знаходзіўся ў роднай Вушачы, а па прыезьдзе ў Менск адказаў на пытаньні Міхася Скоблы ў праграме “Дом літаратара”.

25.08.2008
2741
Гюнтэр Грасс заблытаў прэсу мемуарамі

Другая кніга ўспамінаў лаўрэата Нобелеўскай прэміі па літаратуры Гюнтэра Грасса, выпушчаная выдавецтвам Steidl Verlag, з'явіцца ў кнігарнях Нямеччыны 29 жніўня 2008 года, паведаміў штотыднёвік Stern. Газета Frankfurter Allgemeine Zeitung, зрэшты, піша, што мемуары ўжо прадаюцца - з 22 жніўня. Журналісты мяркуюць, што выдавецтва нахабна схітрыла і продаж пачаўся на тыдзень раней, каб пазбавіць крытыкаў магчымасці напісаць папярэднія рэцэнзіі.

11.08.2008
4405
Ушанавалі памяць Ларысы Геніюш

У Зэльве ўшанавалі памяць знакамітай беларускай паэткі Ларысы Геніюш.

25.07.2008
4573
"Парадак слоў"

Праграма Трэцяга міжнароднага фэстывалю паэзіі "Парадак слоў" 31 ліпеня-3 жніўня ў Менску

24.07.2008
4990
Дзень памяці Караткевіча

25 ліпеня спаўняецца 24 гады з дня сьмерці выдатнага беларускага празаіка, чалавека шырокай і шчырай душы Уладзіміра Караткевіча.
Караткевіч –аўтар славутых  раманаў «Каласы пад сярпом тваім» (1968), «Хрыстос прызямліўся ў Гародні», аповесцяў «Дзікае паляванне караля Стаха», «Чорны замак Альшанскі» многіх кніг паэзіі, нарысаў, эсэ…

09.07.2008
4182
«Галасы і вобразы» Алеся Бельскага

У выдавецтве “Мастацкая літаратура” ўбачыла свет новая кніга літаратура-крытычных артыкулаў доктара філалагічных навук,  літаратурнага крытыка Алеся Бельскага “Галасы і вобразы”. Аўтар засяроджваецца не столькі на выкрыцці недахопаў пісьменнікаў, якіх даследуе, колькі імкнецца паглыбіцца ў сутнасць іх паэзіі. На старонках зборніка аналізуюцца, як творы класікаў беларускай літаратуры, так і шуканні зусім юных пісьменнікаў.

18.06.2008
3018
Беларускія літаратары едуць на Сусветны кангрэс пісьменнікаў

Делегацыя Саюза беларускіх пісьменнікаў возьме ўдзел у Сусветным кангрэсе пісьменнікаў, які пачнецца 28 чэрвеня ў сталіцы Швецыі. У складзе дэлегацыі – Алесь Пашкевіч, Барыс Пятровіч, Уладзімір Някляеў і Алесь Ліпай. Сусветны кангрэс пісьменнікаў “Wooltic – 2008” пройдзе ў Стакгольме з 28 чэрвеня да 2 ліпеня. Як адзначыў старшыня Саюза беларускіх пісьменнікаў Алесь Пашкевіч, гэта найбуйшейшы пісьменніцкі кангрэс, які праводзіцца пад патранажам ураду Каралеўства Швецыя. У ім будуць браць удзел каля тысячы пісьменнікаў розных кантынентаў: “Паколькі са Шведскім саюзам пісьменнікаў СБП ужо не адзін год мацуе творчыя кантакты, сувязі, дэлегацыя з Беларусі будзе адной з самых вялікіх – чатыры чалавекі. Для параўнання – з Украіны, Літвы запрошаныя па два дэлегаты, з Расійскай Федэрацыі прыедзе адзін чалавек.

17.06.2008
3838
“Быкаўскіх чытанняў” у Віцебску не будзе

Віцебскі паэт Давід Сімановіч прапанаваў правесці ў абласной бібліятэцы адмысловую імпрэзу да 84-х угодкаў з дня нараджэння Васіля Быкава – запачаткаваць традыцыю штогадовых “Быкаўскіх чытанняў”. Аднак гэтая ініцыятыва не знайшла падтрымкі ў чыноўнікаў. Давід Сімановіч не канкрэтызуе, хто канкрэтна выступае супраць ягонай ідэі, але кажа, што “ў горадзе знайшліся сілы, якія перашкодзілі рэалізацыі гэтых планаў”.

10.06.2008
3686
ДАРОГАМІ АЛЕСЯ БАЧЫЛЫ

13 сакавіка 2008 г. у Беларускім дзяржаўным архіве-музеі літаратуры і мастацтва адбылося адкрыццё выставы “Дзеля людзей усё жыццё стараюся…”. Выстава прысвечаная 90-годдзю з дня нараджэння беларускага паэта, літаратуразнаўцы, лібрэтыста Алеся Бачылы (1918–1983)

09.06.2008
3090
“Свята беларускай паэзіі” у парку “Dreаmland”

У Мінскім парку “Dremland”  у суботу 21 чэрвеня адбудзецца  вялікае летняе “Свята беларускай паэзіі”. Упершыню творчая імпрэза на свежым паветры збярэ адначасова больш за трыццаць вядомых і пачынаючых сталічных паэтаў і бардаў.
Сярод тых, хто выступіць перад аматарамі сучаснай літаратуры і бардаўскай песьні
Анатоль Вярцінскі,  Сяргей Законнікаў, Міхась Скобла, Алесь Пашкевіч, Ірына Хадарэнка,  Аксана Спрынчан, Яраш Малішэўскі, Сяржук Сыс, Сяржук Мінскевіч, Галіна Дубянецкая, Віка Трэнас, Зміцер Вішнёў, Валерыя Кустава, Павел Кузіч, Рагнед Малахоўскі, Ганна Федарук, Юрый Несцярэнка, Арцём Кавалеўскі і іншыя.

09.06.2008
2536
У Друскеніках сустракаліся паэты і фотамастакі з чатырох краін

У літоўскіх Друскеніках завяршыўся міжнародны літаратурна-мастацкі пленэр. З 2 па 8 чэрвеня амаль тры дзясяткі польскіх, беларускіх, літоўскіх і ўкраінскіх паэтаў, фатографаў і перакладчыкаў, жылі і працавалі супольна ў цішыні ляснога курортнага горада.
Гэта другая творчая сустрэча, якую арганізавала і фінансавала  Міністэрства замежных спраў Літвы. Непасрэдна ажыццяўленнем гэтага праекту займаецца фонд Саюза  пісьменнікаў Літвы. Удзельнікі пленэра цягам тыдня займаліся творчасцю, дыскутавалі, спрачаліся, перакладалі вершы адзін аднаго на свае мовы і арганізоўвалі супольныя чытанні, знаёміліся з гістарычнай і культурнай спадчынай Літвы.

09.06.2008
4986
“Свае руны мне не вышыць…”

У выдавецтве “Кнігазбор” убачыла свет эсэ прафесара Івана Штэйнера “Свае руны мне не вышыць…”, прысвечанае творчасці таленавітага паэта Анатоля Сыса.  Вядомы даследчык з Гомеля на фоне класічных традыцый падае творчы партрэт паэта-сучасніка, які пакінуў яркі след у гісторыі найноўшай беларускай літаратуры.

30.05.2008
3789
Культурнае лета ў Літве пачынаецца актыўна!

Канец вясны - пачатак лета ў Літве традыцыйна адзначаецца цэлым шэрагам культурных мерапрыемстваў на любы густ. Сёлета сярод такіх - першае ўручэнне кінематаграфічных прэмій, Пленер кавальства, свята "Вясна паэзіі", фестывалі класічнай музыкі.

30.05.2008
3809
Памёр пісьменнік Міхаіл Герчык

3 чэрвеня пасля працяглай хваробы памёр вядомы беларускі пісьменнік Міхаіл Герчык. Сімвалічна, што ў гэты сам дзень пабачыў свет апошні ягоны раман.

30.05.2008
2083
Святлана Алексіевіч: “Чым далей – тым жыць больш загадкава, чым далей – тым цікавей”

31 траўня – юбілей самай вядомай у свеце пісьменніцы з Беларусі Святланы Алексіевіч. Яе кнігі не выдаюцца дзяржаўнымі выдавецтвамі Беларусі. Між тым дакументальная проза пісьменніцы перакладзеная больш чым на 20 моваў свету. Апошнія гады пісьменніца жыве і працуе ў Швецыі, але на свой юбілей абавязкова прыедзе ў Беларусь.

29.05.2008
3304
Лепшы пісьменнік-фантаст Еўропы -- беларуска

На штогадовым фестывалі фантастычнай літаратуры “Еўракон” “лепшым новым аўтарам” за раман “Ганітва” была нядаўна названая празаік з Гомеля Ніка Ракіціна. Аўтару быў перададзены дыплом і бронзавы медаль.
Уганараваны раман беларускай аўтаркі выйшаў у Рызе, а пісаўся, як прызналася Ніка Ракіціна карэспандэнту “Комсомольской правды” в Белоруссии”, сябру Саюза беларускіх пісьменнікаў Глебу Лабадзенку, “на прыступках Гомельскага палаца Румянцавых і Паскевічаў”.

Вынік пошуку: 5201-5220 з 5277 Першая | | 259260261262263 | | Апошняя