Адкрытая лекцыя і майстар-клас віртуоза рэпартажнага жанру Войцэха Тохмана ў Мінску

Войцэх Тохман.

Польскі журналіст і лаўрэат шматлікіх міжнародных прэмій падзеліцца сваім досведам у галіне рэпартажу і літаратуры факту. Якая роля рэпартажу ў часы цэнзуры і пераходу да дэмакратыі? Як з яго дапамогай можна зафіксаваць самыя вострыя моманты гісторыі? Што такое літаратура факту? І якую ролю адыгрываюць СМІ ў эпоху трансфармацыі той ці іншай краіны?

Адказы на гэтыя і многія іншыя пытанні можна будзе атрымаць, наведаўшы адкрытую лекцыю Войцэха Тохмана ў пятніцу, 29 мая, з 16.00 да 19.00.

Месца сустрэчы: Мінск, Галерэя TUT.BY, па адрасе пр-т Дзяржынскага, 57, 9 паверхУваход вольны, але абавязковая папярэдняя рэгістрацыяКолькасць месцаў абмежаваная (калі лімітавая колькасць удзельнікаў зарэгіструецца, спасылка для рэгістрацыі не будзе працаваць).

Войцэх Тохман – польскі журналіст і пісьменнік, чые кнігі заснаваныя на рэальных падзеях нядаўняга мінулага і ўяўляюць з сябе тую самую «літаратуру факту» – жорсткую і бескампрамісную публіцыстыку на злабадзённыя тэмы. У розныя гады Тохман працаваў у «Газеце Выборчай», на Першым канале Польскага тэлебачання, выкладаў у Інстытуце журналістыкі Варшаўскага універсітэта.

У межах сустрэчы наш госць на прыкладзе ўласнай кнігі «Як быццам камень грызла ...» разбярэ складнікі літаратуры факту і тэматычнага рэпартажу. (Урывак з кнігі можна знайсці ў далучаным ніжэй PDF-файле).

Адкрытая лекцыя будзе карыснай як пачаткоўцам, так і прафесійным журналістам, публіцыстам і блогерам, рэпарцёрам друкаваных і лічбавых СМІ. Падчас сустрэчы будзе арганізаваны пераклад з польскай.

Для ўдзелу неабходна падаць заяўку, запоўніўшы рэгістрацыйную форму да чацвярга, 28 мая (уключна). Усіх удзельнікаў адкрытай лекцыі просяць азнаёміцца ​​з прыкладзеным урыўкам з кнігі Войцэха Тохмана (гл. далучаны ўнізе матэрыялу PDF-файл).

Для ўдзельнікаў з рэгіёнаў магчымая кампенсацыя выдаткаў на праезд да/з Мінска. Рашэнне пра кампенсацыю прымаецца індывідуальна і магчыма толькі пры ўмове рэгістрацыі на лекцыю да 28 мая ўключна.

З усімі пытаннямі просім звяртацца на адрас press-club@press-club.by.

Партнёры: TUT.BY, ГА “Беларуская асацыяцыя журналістаў”.

Інфармацыйныя партнёры: “Медиакритика”, Hacks/Hackers MinskБеларускі ПЭН-ЦэнтрСаюз беларускіх пісьменнікаў.

Гэтая падзея на Facebook

Даведка Прэс-Клуба:

Гэта чарговая сустрэча, арганізаваная ў рамках «Прэс-клуба Беларусь» у Мінску. Сярод папярэдніх гасцей былі: Энжалі Лістан, намесніца галоўнага рэдактара “New East Network” брытанскай газеты «The Guardian», галоўны рэдактар ​​навінавага праекта «Медуза» Галіна ЦімчанкаВадзім Макаранка - аўтар першага ў Польшчы рэсурсу па датажурналистике BIQdata.pl, Дэвід Кроўфард - спецыяліст па журналістыцы расследаванняў, Каця Гарчынская – карэспандэнт «Wall Street Journal» і «Financial Times», Енс Нікалайсэн – дырэктар па лічбавых СМІ дацкай медыйнай кампаніі Politiken Hus.


Спампаваць (515.3 КБ) 

baj.by