Алесь Паплаўскі прэзентуе паэтычны зборнік — 10 верасня

Літаратар Алесь Паплаўскі выдаў вершаваны зборнік “Скрыжалі душы”. Туды ўвайшлі як ранейшыя, так і новыя творы.

— Што тычыцца назвы «Скрыжалі душы», дык калісьці Бог паслаў Маісею дзесяць запаведзяў, што былі напісаныя на камянях. Які сэнс я ўкладаў? Вядома, чысціню і шчырасць пачуццяў. Таму назва відавочна не выпадковая.

Алесь Паплаўскі прэмію "Залаты Апостраф" атрымаў за прозу. Але аўтар таксама вядомы як паэт і выдаў некалькі зборнікаў вершаў.

Прэзентацыя новай кнігі “Скрыжалі душы” адбудзецца 10 верасня ў Берасцейскай абласной бібліятэцы.

racyja.com