Анатолю Бароўскаму — 75!

Шаноўны Анатоль Мікалаевіч! Прыміце нашыя шчырыя віншаванні са святам і пажаданні ўсяго найлепшага: моцнага здароўя, даўгалецця, дабрабыту, творчых і асабістых поспехаў, новых кніг і паболей удзячных чытачоў!

ГА "Саюз беларускіх пісьменнікаў"

Анатоль Бароўскі, фота: Радыё Свабода

Спадар Анатоль нарадзіўся 12.05.1942 г. у вёсцы Крушнікі Мазырскага раёна Гомельскай вобласці ў сям'і настаўніка.

Пасля заканчэння Асавецкай сярэдняй школы Мазырскага раёна (1960) працаваў у калгасе, потым на заводзе жалезабетонных вырабаў у Мазыры, настаўнікам пачатковых класаў у вёсцы Турбінка Мазырскага раёна. У 1961-1962 гг. - студэнт Мазырскага педагагічнага інстытута (скончыў завочна ў 1967). У 1962-1964, 1968-1970 гг. служыў у Савецкай Арміі. Працаваў у мазырскай раённай газеце «Камуніст Палесся» адказным сакратаром гарадскога таварыства «Веды», інструктарам гаркома партыі, намеснікам дырэктара навучальні геалогіі (Мазыр). З 1975 г. - уласны карэспандэнт газеты «Чырвоная змена» па Гомельскай і Берасцейскай абласцях. Сябра СП СССР з 1990 г.

Злева направа: Сяргей Сыс, Генрых Далідовіч, Анатоль Бароўскі, Леанід Дайнека. Фота Вікі Трэнас

Друкуецца з 1963 г. Аўтар кнігі аповесцей і апавяданняў «Каліна пад акном» (1987), аповесці «Тросніца» (калектыўны зборнік «Знаёмства», 1982). Асобнымі выданнямі выйшлі нарысы «Надзейная змена» (1976), «Мікалай Пушкар» (1985), «Цветут над Припятью сады» (з Ю.Герасіменкам, 1987). Больш поўная бібліяграфія пісьменніка ТУТ.

Прэс-служба ГА "Саюз беларускіх пісьменнікаў"