Аўтограф-сесія Алеся Краўцэвіча і Ігара Гардзіёнка — 13 снежня

Дата публікацыі: 13.12.2012

1633

13 снежня ў мінскай кнігарні «Кніжны салон» адбудзецца сустрэча з гісторыкам Алесем Краўцэвічам і мастаком Ігарам Гардзіёнкам.

Гістарычны нарыс «Гедымін (1316–1341). Каралеўства Літвы і Русі» — другая кніга ў серыі «Жыццяпісы вялікіх князёў літоўскіх». Сёння стала вядома, што за гэтую кнігу Алесь Краўцэвіч атрымаў прэмію імя Францішка Багушэвіча.

Раней свет пабачыла выданне «Міндаўг. Пачатак вялікага гаспадарства». Наступны нарыс — «Ад Войшалка да Віценя. Выпрабаванне на трываласць».

Аўтограф-сесія пачнецца а 18-й гадзіне ў кнігарні «Кніжны салон» (зав. Калініна, 5).

svaboda.org