Беларуская дыктоўка памяці Ніла Гілевіча ў Гродне

Тэкстам для напісання быў абраны ўрывак з апавядання Ніла Гілевіча «Шчаслівы абдзіраўца», які быў артыстычна прачытаны Віктарам Шалкевічам.

Аляксей Пяткевіч  

Прафесар Аляксей Пяткевіч сказаў прачулае слова пра народнага паэта, адзначыўшы не толькі ягоны ўнёсак у развіццё айчыннае літаратуры, але і адданае служэнне роднаму слову.

Юрка Голуб

Колішні студэнт Ніла Сымонавіча паэт Юрка Голуб падзяліўся свамім згадкамі, прынёс кнігі з аўтографамі паэта, прачытаў ягоныя вершы.

А ў дзень развітання з Нілам Гілевічам у Свята-Пакроўскім саборы з ініцыятывы протаіерэя Георгія Роя адбылася паніхіда. Яе служылі сем святароў, развітальная служба ўпершыню за ўсю гісторыю існавання вялася на беларускай мове. Народны паэт вярнуў у храм мову гэтае зямлі.

Віктар Шалкевіч

Паміналі ў той дзень Ніла Гілевіча і ў грэка-каталіцкай царкве ў Гародні.

Інф. прадастаўлена Гродзенскім абласным аддзяленнем СБП