“Беларусьфільм” зацікаўлены ў экранізацыі “Чорнага замка Альшанскага”

Нацыянальная кінастудыя "Беларусьфільм" зацікаўленая ў здымках фільма па матывах рамана класіка беларускай літаратуры Уладзіміра Караткевіча "Чорны замак Альшанскі". Аб гэтым карэспандэнту БЕЛТА паведаміў генеральны дырэктар кінастудыі Алег Сільвановіч.

"Мы актыўна прасоўваем гэты праект і падтрымліваем яго. "Беларусьфільм" валодае выключнымі правамі на экранізацыю твора", - сказаў Алег Сільвановіч.

Фільм стане другім сумесным кінапраектам з ТРА Саюзнай дзяржавы. "Гэта менавіта той партнёр, які мог бы даць жыццё раману", - адзначыў гендырэктар "Беларусьфільма".

Па яго словах, ідэя стварэння фільма ўжо прадстаўленая на разгляд Саюзнай дзяржавы.

БелТА