Чытанні з Валянцінам Акудовічам распачнуцца 20 лютага

Прыгожаму пісьменству ў нашых краях ужо болей як 500 год. У розныя эпохі тут пісалі старабеларускай, лацінскай, польскай, рускай, а пазней і ўласна беларускай мовай. Да таго ж не забудземся на арабскае пісьмо і, зразумела, ідыш.

Уся гэтая шматмоўная спадчына нашых продкаў надзвычай багатая ды цікавая. І, натуральна, вартая не толькі павагі, але і нашай увагі.

Валянцін Акудовіч. Фота Зарыны Кандрацьевай, budzma.by

Літаратурныя чытанні – гэта супольная асалода ад удумлівых разваг над інтэлектуальнымі і эстэтычнымі вабнотамі таго ці іншага тэкста. Але пачнем мы свае інтэрактыўныя забавы не з сівой даўніны, а з твораў сучаснікаў ці блізкіх да нашай эпохі аўтараў.

На першыя тры сустрэчы для калектыўнага сумоўя прапануюцца:

- аповесць Уладзіміра Арлова “Ордэн Белай Мышы”;

- невялічкі раман Юры Станкевіча “Любіць ноч – права пацукоў”;

- апавяданне Міхася Стральцова “Смаленне вепрука”.

Падаць заяўку на літаратурныя чытанні можна тут.