Чытанне-тандэм: Ніколь Любіч і Уладзімір Арлоў — 8 лютага

Дата публікацыі: 01.02.2013

2501

8 лютага ў Інстытуце імя Гётэ ў Мінску (вул. В. Харужай, 25/3, канферэнц-зала) адбудзецца чытанне-тандэм з удзелам пісьменнікаў Ніколя Любіча (Германія) і Уладзіміра Арлова (Беларусь). Пачатак у 19.00. Уваход вольны. Тэл. для даведак +375 17 2377119, Vera.Dziadok@Minsk.goethe.org.

У межах Нямецкага кніжнага кірмаша Інстытут імя Гётэ ў Мінску праводзіць чытанне-тандэм з удзелам Ніколя Любіча (Германія) і Уладзіміра Арлова (Беларусь).

Ніколь Любіч

У рамане “Марская ціша” (2010) Ніколь Любіч расказвае пра судовы працэс над сербскім ваенным злачынцам Златкам Шымічам. Апраўдаць ці абвінаваціць злачынцу – вырашаюць суддзі. Аднак што такое віна і адказнасць? Хто з’яўляецца злачынцам, а хто ахвярай? Ці можа злачынца таксама быць ахвярай альбо ахвяра ператварыцца ў злачынцу? Адказ на гэтыя пытанні спрабуе знайсці Роберт, якога лёс звязаў з дачкой Шыміча.

Ніколь Любіч нарадзіўся ў 1971 годзе ў Заграбе ў сям’і інжынера-авіятэхніка, дзіцячыя гады правёў у розных краінах – Швецыі, Грэцыі, Расіі і Германіі. Пасля атрымання адукацыі па спецыяльнасці паліталогія ён працуе пісьменнікам і журналістам у Берліне. У якасці пазаштатнага карэспандэнта супрацоўнічае з выданнямі Die Zeit, Süddeutsche Zeitung і часопісам Geo. За свае рэпартажы Ніколь Любіч неаднаразова атрымліваў прафесійныя ўзнагароды і прэміі.