“Дзеяслову” — 10 гадоў!

Дата публікацыі: 24.09.2012

2442

23 верасня сустрэў свой дзясяты юбілей адзіны ў краіне незалежны часопіс беларускай мастацкай літаратуры “Дзеяслоў”. Цягам усіх гадоў выданне ўзначальвае яго галоўны рэдактар Барыс Пятровіч.

Першы нумар "Дзеяслова" быў прэзентаваны ў 2002 годзе падчас 14-га З’езда пісьменніцкага саюза (тады яшчэ не падзеленага) у вельмі няпросты час.

У тлумачальнай прадмове да нумару яго стваральнікі пісалі:

“Сёння беларускіх літаратараў хочуць падзяліць на “сваіх” і “чужых”. “Дзеяслоў” супраць усялякіх падзелаў. “Дзеяслоў” — выданне адкрытае для ўсіх. У гэтым можна пераканацца па першым выпуску. Усё вартае: таленавітае, адметнае, шчырае, смелае — будзе друкавацца на старонках выдання. “Дзеяслоў” пастараецца не расчараваць ні сваіх сяброў, ні сваіх ворагаў. Крытэрыем для “Дзеяслова” будзе найперш літаратурная вартасьць і якасьць твору, а не палітычная заангажаванасьць. “Дзеяслову” імпануе адзіны неаспрэчны прынцып – служэньне на карысць роднай Беларусі: жыццё кароткае — Радзіма вечная!”

Ва ўсіх сваіх нумарах часопіс заўжды трымаўся прынцыпаў, закладзеных на самым пачатку.

За час свайго існавання “Дзеяслоў” надрукаваў сотні цікавых празаічных і паэтычных твораў, крытычных артыкулаў, адкрыў нямала маладых літаратурных талентаў.

У кастрычніку гэтага года пабачыць свет “Дзеяслоў” № 60.

Пачытаць тэксты “Дзеяслова”, што за ўсе гэтыя гады фактычна стварылі скарбонку беларускай сучаснай літаратуры, можна са сайце — dziejaslou.by .

Змест “Дзеяслова “ № 1

Паэзія

Алесь Разанаў — Версэты

Уладзімір Някляеў — Паланэз. Паэма

Ніл Гілевіч — Па чужых узорах.Танка і гекзаметры

Ян Чыквін — Вершы з кнігі"Крэйдава кола"

Леанід Дранько—Майсюк — Скрыпач Антоні. Верш

Міхась Скобла — Закаханы у неба свабоднае край.Вершы

Алесь Пісьмянкоў — Паэт і рыбніца.Вершы

Юлія Гайдукова — Маладая. Вершы

Проза

Сьвятлана Алексіевіч Два аповеды з кнігі "Чароўны алень вечных ловаў"