«Гарбата з незабудак» — новая паэтычная кніга ў серыі СБП

За кубачкам «Гарбаты з незабудак» Кася Сянкевіч у пранізлівых маналогах-споведзях разважае пра вечныя тэмы кахання, веры, пошуку свайго месца ў жыцці і сусвеце. Форма, абраная паэткай, — верлібр, дазваляе абраць найбольш дакладныя і змястоўныя мастацкія сродкі для выказвання самых тонкіх пачуццяў.

***

Гэтая справа не для абмеркавання.

Прыгадай

апошнюю ўсмешку,

апошні наш сум.

Пра тое магла б быць

напісана паэма,

а ёсць толькі гэты кароткі

верш.

 

Прэс-служба ГА "Саюз беларускіх пісьменнікаў"