Кніга Уладзіміра Арлова “Пакуль ляціць страла» ўжо ў продажы

 

 
 
Уладзімір Арлоў. Пакуль ляціць страла (Бібліятэка Свабоды. ХХІ стагоддзе). — Радыё Свабодная Эўропа/Радыё Свабода, 2012. 397 старонак.

Новая кніга Уладзіміра Арлова пераклікаецца назвай з ранейшым зборнікам гістарычных апавяданняў і аповесцяў “Дзень, калі ўпала страла”. Але гэтым разам пісьменнік пайшоў не такім традыцыйным шляхам.

Новая кніга выйшла ў серыі «Бібліятэка радыё «Свабода» і складзена ў форме адказаў на пытанні, якія скіроўвалі пісьменніку слухачы радыё.

Абмяркоўваецца шырокае кола гістарычных, палітычных і асабістых тэмаў — ад удзелу мурынаў у паўстанні Каліноўскага і допінг-кантролю на рыцарскіх турнірах да першых эратычных перажыванняў, творчых метадаў і прагнозаў на канец свету.

Выданне па-караткевічаўску падзелена на раздзелы «Было», «Ёсць» і «Будзе», насычаная фірмовым гумарам.

У кнізе ёсць паказнік імёнаў, дзе гістарычныя постаці суседнічаюць з сябрамі дзяцінства Уладзіміра Арлова. “Пакуль ляціць страла” ўжо чакае свайго чытача на стале навінак у кнігарні “логвінаЎ”. Рыхтуецца прэзентацыя.

 

Паводле nn.by і lohvinau.livejournal.com