Кніга прозы ад Веры Бурлак

У нас кароткае метро: толькі сеў — ужо выходзіць. Толькі задрамаў, як голас кажа: "Канцавы прыпынак. Калі ласка пакіньце вагоны". Кнігу Веры Бурлак акурат зручна пачытаць у такіх умовах — невялікі  зборнік кароткіх тэкстаў.

Яго здалі ў друк яшчэ ў 2011-м, але праз соннасць нашай кніжнай галіны кніга трапіла да чытача толькі цяпер. 11 лютага (субота) на Мінскім кірмашы (Купалы, 27) на стэндзе кнігарні "логвінаЎ" (І-15) адбудзецца яе маленькая прэзентацыя. Пачатак а 14-й.

Апроч кнігі Веры ў гэты дзень прэзентуюць і кнігу прозы Паўла Касцюкевіча "Зборная РБ па негалоўных відах спорту. Пачатак а 15-й. Таксама адбудуцца аўтограф-сесіі Уладзіміра Арлова (а 12-й), Валянціна Акудовіча (а 17-й), і Алеся Разанава (а 18-й). 

Прэсавая служба СБП паводле lohvinau.livejournal.com