"КультАсвета" — заўважым і выправім моўныя памылкі ва ўсіх кутках Беларусі!

Дата публікацыі: 06.03.2014

1893

Па дарозе на працу альбо вучобу, ці падчас звычайных вандровак па краіне людзям сустракаюцца дзясяткі памылак і недакладнасцяў на шыльдах ды ўказальніках. Грамадства прызвычайваецца да няправільнага напісання.

Сутнасць праекта: звычайныя грамадзяне фіксуюць заўважаныя памылкі на фотаздымач ды дасылаюць на электронную пошту kultasvieta@gmail.com з пазначэннем дакладнага месца знаходжання памылкі.

У сваю чаргу, актывісты дасылаюць зварот мясцовым уладам, кіраўніцтву ўстановы альбо ў Міністэрства Культуры з прыкладзенымі фотаздымкамі ды тлумачэннем памылкі філолагам.

Разам мы захаваем чысціню мовы, а гэтак жа падвысім узровень пісьменнасці беларускага грамадства.

Паводле прэс-рэлізу