Леаніду Галубовічу — 65!

Леанід Галубовіч

Паважаны Леанід Міхайлавіч! Сардэчна віншуем Вас з юбілеем і жадаем моцнага здароўя, дабрабыту, аптымізму, здзяйснення творчых і жыццёвых задумаў, усяго найлепшага Вам і Вашым блізкім!

ГА "Саюз беларускіх пісьменнікаў"

***

Я не зайздрошчу тым, хто мае.
А тым — хто лепшае раздаў.
Душы пачуццяў не стрымаеш,
Як не стрымаеш росту траў.

...З кляймом замежнага хлудзіны…
...Пасады, званні і чыны...
Заўчасна нас адгарадзілі
I заружовілі нам сны.

I аддаліўшыся шукаем
Сярод начэй сябе саміх.
Дарэмна з сумам адкрываем
Свой прыхаваны патайнік.

Ha месцы ўсё і нават — болей...
Ды менш і менш чамусьці нас.
Зямную цягу век адолеў,
Людзей не зблізіўшы якраз.

I ўсё ж жыве святая вера,
Што як бы шлях не быў круты,
Імкненне вечнае наперад
He спапяляе дабраты.

He спапяліць і не заглушыць
Высокай еднасці душы,
Што вучыць нас, як болем мучыць,
На кожным новым рубяжы.

Леанід Галубовіч