Легендарны шэкспіраўскі тэатр "Глобус" пакажа "Гамлета" на сцэне Купалаўскага

Тэатральны марафон пачаўся 23 красавіка 2014 года – у 450-ю гадавіну нараджэння Шэкспіра – ў тэатры "Глобус" і скончыцца там жа ў красавіку 2016 года ў 400 юбілей смерці драматурга. За гэты час трупа наведае 205 краін свету, каб паказаць "Гамлета" ў самых розных месцах – вясковых плошчах, нацыянальных тэатрах, палацах і пляжах.

Трупа тэатра. Фота: адміністрацыя Купалаўскага тэатра 

"Гамлет" пастаўлены мастацкім кіраўніком тэатра "Глобус" Дамінікам Дромгулам згодна з традыцыямі тэатра часоў Шэкспіра – амаль без дэкарацый, з мінімумам рэквізіту і нават без грыму. У спектаклі занятыя 12 актораў, амаль кожны з іх грае па некалькі роляў, з лёгкасцю пераўвасабляючыся, напрыклад, з Афеліі ў Гарацыа ці з Гертруды ў магільшчыка. Артысты самі сабе акампануюць на розных музычных інструментах, танцуюць і спяваюць. Гамлета па чарзе выконваюць Ладзі Эмерува і Наім Хайат. Разам з трупай у турнэ адправяцца яшчэ шэсць супрацоўнікаў тэатра.

Фото: администрация Купаловского театра

Акторы будуць падарожнічаць на цягніках, машынах, караблях і самалётах па сямі кантынентах. Пасля паказаў у Англіі трупа вырушыла ў Галандыю, затым накіруецца ў Германію, Нарвегію, Швецыю, Фінляндыю, Эстонію, Латвію, Літву, Украіну. У Маскве "Гамлета" пакажуць 13 і 14 мая на сцэне Маскоўскага акадэмічнага тэатра імя Уладзіміра Маякоўскага як частку праграмы Года брытанскай культуры ў Расіі. 

Гастрольны маршрут пралягае праз Карыбы, Паўночную і Паўднёвую Амерыку, заходняе узбярэжжа Афрыкі, Аўстралію, Інданэзію, Японію, Кітай і іншыя азіятскія краіны, Усходнюю Афрыку, зноў Еўропу. Спектакль убачаць нават на маленькім востраве Науру ў Ціхім акіяне з насельніцтвам менш за 10 тысяч чалавек і ў правінцыі Кеніі Рыфт Валі. Канцавым пунктам сусветнага туру стане дацкі горад Хельсінгер (Эльсінор), які Шэкспір і пазначыў месцам дзеяння сваёй трагедыі.

Фото: администрация Купаловского театра 
 

"Гамлет" – шматгранная п,еса, – гаворыць рэжысёр Дамінік Дромгул. – Яна можа ўспрымацца па-рознаму у розных месцах. Дзесьці будзе кідаць выклік, дзесці натхняць, дзесці суцяшаць. Закранутыя там тэмы адносін бацькоў і дзяцей, бунту і засмучэння падаюцца ўніверсальнымі для любых гледачоў".
 

"Наўрад ці застаўся на Зямлі закуток, дзе б не пераклалі словы to be or not to be, – лічыць знакаміты тэатральны рэжысёр Пітэр Брук. – Калі прамовіць гэта па-ангельску, нават тыя, хто не ведае мовы, адразу іх пазнаюць. І кожны, незалежна ад узросту, адразу ж можа пазнаць сябе ў героях п'есы Шэкспіра, іх дзеяннях і пытаннях. Паказаць "Гамлета ва ўсім свеце – гэта смелы праект".

Фото: администрация Купаловского театра

Фото: администрация Купаловского театра
 

Тэатр "Глобус" быў заснаваны ў Лондане яшчэ ў 1599 годзе на сродкі актораў трупы "Слугі лорда-камергера", да якой належыў Уільям Шэкспір, і хутка стаў адным з культурных цэнтраў Англіі. Аднак у 1613 годзе будынак згарэў. Яго ўзнавілі у 1614 годзе, калі знакаміты драматург ужо з'ехаў з Лондана. Але ў 1642 годзе тэатр зачынілі, а сам будынак праз два гады знеслі, каб вызваліць месца для будаўніцтва даходных дамоў. Зноў узнавілі будынак новага "Глобуса" толькі ў 1997 годзе згодна з дадзенымі даследаванняў – цяпер ён мае форму рымскага амфітэатра, агароджаны высокай сцяной. Паколькі дах адсутнічае, то спектаклі там ідуць толькі з красавіка да кастрычніка.