Лістападаўскае паседжанне Рады Саюза беларускіх пісьменнікаў

Дата публікацыі: 22.11.2011

1607

21 лістапада адбылося паседжанне Рады ГА Саюз беларускіх пісьменнікаў. Рада прызначыла дату правядзення чарговага справаздачна-выбарчага З’езда Саюза беларускіх пісьменнікаў – 10 снежня гэтага года – і абмеркавала пытанні, звязаныя з падрыхтоўкай пісьменніцкага форума.

Рашэннем Рады ГА СБП з шэрагаў творчага саюза былі выключаны Эдуард Скобелеў і Васіль Якавенка. Былі задаволены заявы аб выхадзе з ГА СБП літаратараў, якія ўступілі ў ГА Саюз пісьменнікаў Беларусі.

Рада ГА СБП завяршылася віншаваннем з юбілеем свайго сябра, вядомага беларускага паэта і дзяржаўнага дзеяча Анатоля Ільіча Вярцінскага.

Прэсавая служба Саюза беларускіх пісьменнікаў