Магілёўскія літаратары сустрэліся са школьнікамі

Ірына Цінякова

Імпрэзу адкрыла старэйшы бібліёграф Ірына Цінякова, якая выступіла з прывітальным словам.

Старшыня Магілёўскага аддзялення ТБМ імя Ф.Скарыны Алег Дзьячкоў прадэманстраваў некалькі творчых работ кінастудыі “Беларусьфільм” пачатку 1990-х, знятых у час адраджэння цікавасці да беларушчыны.

Алег Дзьячкоў, Мікола Яцкоў, Тамара Аўсяннікава, Таццяна Барысік 

Таццяна Барысік пазнаёміла са сваёй новай кнігай “Жанчына і леапард”, прачытала ўрывак з яе і некалькі вершаў.

Тамара Аўсяннікава адзначыла, што амаль у кожнага з нас ёсць творчыя здольнасці, і запрасіла слухачоў на заняткі гарадскога літаратурнага клуба “Святліца”, якім яна кіруе.

Старшыня Магілёўскага абласнога аддзялення СБП Мікола Яцкоў зладзіў невялікую презентацыю літаратурнага альманаха “Брама” і выказаў упэўненасць у тым, што сярод прысутных безумоўна ёсць будучыя аўтары, якія праз “Браму” увойдуць у беларускую літаратуру.  

Напрыканцы сустрэчы бібліятэка атрымала ў падарунак экземпляр “Брамы” і кнігі выступоўцаў.

Ул. інф. Магілёўскага абласнога аддзялення СБП

Фотаздымкі І. Ціняковай і М. Яцкова