Нобеля атрымаў французскі пісьменнік Патрык Мадыяно

Патрык Мадыяно

Патрык Мадыяно, пісьменнік і сцэнарыст, нарадзіўся ў 1945 годзе. 

Вучыўся Патрык перш у парыжскім ліцэі Генрыха IV, дзе геаметрыю яму выкладаў Рэмон Кено, які сябраваў з яго маці і пазней дапамог юнаку ўвайсці ў літаратурнае кола выдавецтва "Галімар", а затым у ліцэі і ў каледжы ў Ансі. Першы раман Мадыяно - «Плошча Зоркі» - быў апублікаваны ў 1968 годзе і адразу прынёс аўтару вядомасць.

Практычна ўсе творы пісьменніка аўтабіяграфічныя і (або) звязаны з тэмай акупацыі Францыі падчас Другой сусветнай вайны. У сваім інтэрв'ю ў кастрычніку 1975 Мадыяно прызнаецца, што ён «апантаны перадгісторыяй, мінулым», а «мінулае - ганебная эпоха акупацыі». «Мой сюжэт - час», - дадае ён у інтэрв'ю газеце «Монд» (ад 24 мая 1973 года).

Многія творы Патрыка Мадыяно былі экранізаваныя, перакладзеныя на шматлікія мовы свету.

Лаўрэат Ганкураўскай прэміі (1978), Літаратурнай прэміі князя Манакскага (1984), Міжнароднай прэміі Чына дэль Дука (2010).

Прэсавая служба СБП