Пачаўся збор подпісаў за новы праект ахоўнай зоны Курапатаў

«Праект дае мажлівасьць Курапатам існаваць і захавацца як мэмарыялу. Любая будаўнічая дзейнасьць па пэрымэтры пагражае мэмарыяльнаму месцу экалягічна, у тым ліку гідралягічна. Важна каб захаваліся ляндшафт, старадаўнія дарогі і краявідныя пункты. „Навошта вам тэрыторыя дарогі сьмерці?“ — пытаюцца чыноўнікі. — Яны жывуць у іншых вымярэньнях».

Чаму зварот да Міністэрства культуры? «Бо яно адказвае, каардынуе кантралюе ўсе захады ў справе захаваньня гісторыка-культурнай спадчыны», — тлумачыць Марат Гаравы.

Палітык Вінцук Вячорка падкрэсьліў, чаму важна як мага хутчэй пачаць шырокі зварот грамадзкасьці да Міністэрства культуры: «Бо дзяржаўныя структуры скідаюць адказнасьць адзін на аднаго. Трэба прадухіліць ведамасны «футбол».

Зьміцер Дашкевіч, лідэр абаронцаў Курапатаў, заявіў:

«Мажліва, Шорац (старшыня Менгарвыканкаму. — РС) будзе шукаць іншых забудоўнікаў, у кожным выпадку нам усім разам — сотням чалавек —атрымалася вывесьці тэму на агульнанацыянальны ўзровень абмеркаваньня».

Як толькі Зьміцер Дашкевіч выйшаў зь сядзібы БНФ, яго затрымалі людзі ў штацкім.

Сярод першых падпісантаў:

Аляксей Янукевіч запрашае ў сядзібу партыі БНФ ставіць подпіс. Ад 13 сакавіка можна будзе браць копію ліста і самастойна адпраўляць на адрас Міністэрства культуры. Альбо спампаваць на сайце партыі БНФ.

Радыё Свабода