«Паэт купалаўскага гарту»: светлай памяці Ніла Гілевіча

Дата публікацыі: 31.03.2016

1713

Паэт купалаўскага гарту

Светлай памяці Ніла Гілевіча

Спачыў пясняр, не скажа больш

Слоў пранікнёных, палымяных,

За нашу Бацькаўшчыну боль

Больш не вярэдзіць сэрца рану.

Ён, дум высокіх валадар,

Прайшоў сваю дарогу годна,

А больш за ўсё жадаў змагар,

Каб Беларусь жыла свабодна.

За мову і за родны сцяг

Змагацца ўсёй істотай мусіў,

Праз церні церабіў ён шлях

Да незалежнай Беларусі.

Герой, над кім не ўладны час,

Любові нашай вечнай варты.

Быў, ёсць і будзе ён у нас,

Паэт купалаўскага гарту.

Васіль Жуковіч

Прэс-служба ГА "Саюз беларускіх пісьменнікаў"