Паэта Васіля Карпечанку ўспомнілі ў Магілёве

Амаль 10 год, як яго няма з намі, але памяць пра паэта, настаўніка і шчырага чалавека засталася.

Вядучыя вечарыны распавялі пра жыццёвы шлях Васіля Карпечанкі. Відэапрэзентацыя пазнаёміла з архіўнымі фотаздымкамі і фрагментамі выступленняў паэта.

Мікола Яцкоў 

Старшыня Магілёўскага абласнога аддзялення СБП Мікола Яцкоў расказаў аб сяброўстве з Васілём Васільевічам, аб сумеснай працы над песенным зборнікам “Толькі з табою”.

Ала Яцкова

Міхась Карпечанка 

У выкананні Міколы і Алы Яцковых прагучалі песні з гэтага зборніка. Успамінамі пра Васіля Карпечанку падзяліўся пісьменнік Уладзімір Дуктаў.

Аўтары, арганізатары і ўдзельнікі вечарыны разам з праўнукамі Васіля Карпечанкі

Міхась Карпечанка, сын паэта, успомніў бацькоўскія ўрокі жыцця і выказаў упэўненасць, што імя і творчасць Васіля Карпечанкі не згаснуць у складаных сутарэннях нашых часоў.

Ул. інф. Магілёўскага абл. аддзялення СБП